जापानका पूर्वप्रधानमन्त्री शिन्जो आबेको निधन

जापानका पूर्वप्रधानमन्त्री शिन्जो आबेको निधन भएको छ । उनी जापानको नारा सिटीमा भाषण दिइरहेका थिए र त्यही क्रममा गोली लागेर घाइते भएका थिए । जापानी अधिकारीहरूले शिन्जो आबेको मृत्यु भएको पुष्टि गरेका छन् । उनको छातीमा गोली लागेको थियो ।

सिन्जो आबेलाई गोली हानेको आरोपमा नारा शहरका ४१ वर्षीय तेत्सुया यामागामी पक्राउ परेका छन् ।  प्रहरीले घटनास्थलबाट एक बन्दुक पनि बरामद गरेको छ, जुन संदिग्ध व्यक्तिसँग थियो। जापानी सञ्चारमाध्यमका अनुसार संदिग्ध ४१ वर्षीय यामागामी तेत्सुया समुद्री आत्मरक्षा बलका पूर्व सदस्य हुन्।