राजविराज भन्सार कार्यालय द्वारा ४ कराेड १७ लाख ६४ हजार राजश्व संकलन

राजबिराज । सप्तरीको तिलाठी कोइलाडी गाउँपालिका-१ बेल्हीस्थित भन्सार कार्यालयले आर्थिक वर्ष २०७८/७९ मा ४ करोड १७ लाख ६४ हजार राजश्व संकलन गरेको छ ।

कार्यालयले ६ करोड ८४ लाख २० हजार जती राजश्व संकलन गर्ने लक्ष्य लिएको थियो तर राजश्व लक्ष्य भन्दा ३९ प्रतिशत कम राजश्व संकलन गरेको छ । भन्सार कार्यालयका प्रमुख दिपेन्द्र झाका अनुसार कर्मचारीको समस्या, कोरोना महामारी,खुल्ला सिमाना, बाटोको समस्या, स्थानिय तहको निर्वाचन लगायतका विविध कारणले लक्ष्य अनुसारको सफलता नमिलेको बताउनु भयो।

जिल्लाबाट निकासी, पैठारी, लिलामी र अस्थायी पैठारी लगायतका कारोबारबाट ०७८/७९ मा सो परिमाणको राजश्व संकलन भएको हो । उनले आ.ब. २०७८/०७९ मा सशस्त्र प्रहरीले सर्वाधिक ५ सय ८७, नेपाल प्रहरीले ४ सय ६३ र भन्सार कर्मचारीहरुबाट १४ गरि कुल १ हजार ६४ लिलामी मुद्दा रहेकाे छ। यस कार्यालयमा बुझाइएकोमा २ सय मुद्दाको लिलामी कार्य सम्पन्न भइसकेको र ४ सय ९९ मुद्दा  चाढै  टुंग्याउने सम्पूर्ण तयारी र प्रक्रिया पुरा गरिएको जानकारी पनि दिए ।

जिल्लामा मुख्य भन्सार कार्यालय १ र छोटी भन्सार ७ सहित ८ वटा भन्सार कार्यालय छन्। जसमध्ये बेल्ही र पातो छोटी भन्सार कार्यालय मात्र संचालनमा छन भने दुबै छोटी भन्सारबाट पनि अपेक्षा अनुसारको राजश्व संकलन हुन नसकेको प्रमुख झा ले बताउनु भयाे।