भोजपुरी सिगंर प्रमोद प्रेमी यादवको नयाँ गीत ‘भोला छाप साडी’ फ्लपको सुचीमा

भोजपुरी  गायकहरू हिजो आज शिव भक्तिमा डुबेका छन् । खेसरीलाल यादव, शिल्पी राजजस्ता गायकका गीतहरू दिनहुँ रिलिज भइरहेका बेला अरु स्टार कलाकारले विच विचमा आफ्नो गीतहरू रिलिज गर्देछन। भर्खरै प्रमोद प्रेमी यादवको नयाँ गीत रिलिज भएको छ, जसको शब्द हो ‘भोला छाप साडी’। यो गीत म्युजिक वाइडले आफ्नो युट्युब च्यानलमा २५ जुलाई २०२२ मा रिलिज गरेको छ ।

‘भोला छाप साडी’ को भिडियोमा महिमा सिंहले आफ्नो सह कलाकार प्रेमीलाई साउन महिनामा भगवान शंकरको प्रिन्ट भएको साडी ल्याउन भनिरहेकी छिन् । रुखमुनि हरियो घाँसमा खिचिएको गीतको तस्विरले यसको लागत निकै कम रहेको देखाएको छ । एल्बममा दुवै स्टार देसी पहिरनमा देखिएका छन् भने उनका छेउका कलाकारले पनि खास केही देखाउन सकेनन् । यसमा महिमा बाहेक अन्य कलाकारहरु मुस्कुराउँदै नाचिरहेका छन् । यो गीतले भ्युज पाउन संघर्ष गरिरहेको छ र फ्लपको सुचीमा परेको छ ।

यसअघि पनि प्रमोदको प्रेमीको ‘लभर दे दी ना’ आएको थियो जसमा उनी शिवलिंगलाई अँगालो हालेर आफ्नो लागि प्रेमिकाको वरदान मागेको देखिएका थिए । यसलाई २ हप्तामा १६ लाखभन्दा बढीले हेरिसकेका छन् । अर्कोतर्फ जुलाई ३ मा सार्वजनिक भएको ‘शिवजी से तोहरे के मांगी’ ले ८४ लाखभन्दा बढी भ्युज पाएको छ भने ८० लाख क्लबमा जोडिएको छ । यी दुवै म्युजिक भिडियोलाई सुरुदेखि नै लाखौं दर्शकले मन पराएकाले उनको नयाँ गीत ‘भोला छाप साडी’ फ्लपको सुचीमा परेको छ । ।