तिलाठी काेईलाडी गाउपालिकामा बिपत बाल संरक्षण समिति गठन

राजविराज, १३ साउन ।  तिलाठी कोईलाडी गाउपालिकामा बिपत बाल संरक्षण अन्तर्गत गाउपालिका स्तरिय संरक्षण बिषयगत समन्वय समिति गठन तथा अभिमुखिकरण सम्पन्न गरेको छ । शुक्रवार तिलाठी कोईलाडी गाउपालिका स्थित सभाहलमा सबल नेपाल को आयोजना तथा युनिसेफ को सहयोग र पालिका को समन्वयमा बाल संरक्षण पालिका स्तरिय संरक्षण समिति गठन गरेको हो।

उक्त अवसरमा तिलाठीकोईलाडी गाउपालिका अध्यक्ष अरूण कुमार मण्डल वाढी प्रभाबित क्षेत्रमा बिपन्न वर्ग तथा आर्थिक रूपमा पछाडी परेकाहरूको जीवन स्तर सुधार गर्न योजना ल्याउने प्रतिबधता जनाएको छ। पालिका का उपाध्यक्ष फुल कुमारी साह को अध्यक्षतामा आयोजित कार्यक्रममा युनिसेफ अन्तर्गत बाल संरक्षण प्रदेश प्रमुख कामदेव खनाल र सुष्मा भट्ट बिपत को तयारी र प्रतिकार्य तथा बाल संरक्षण तथा पालिका स्तरिय संरक्षण समिति ले गर्ने काम कर्तब्य वारेमा सहजिकरण गरेका थिए।

गठित पालिकास्तरिय संरक्षण बिषयगत समन्वय समिति को संयोजक फुल कुमारी साह रहेको छ भने सदस्यहरूमा पालिका प्रमुख प्रशासकिय अधिकृत केशव झा, स्वास्थ शाखा प्रमुख शैलेश मिश्रा, बिपत शाखा प्रमुख राजेश झा, महिला, वालवालिका शाखा प्रमुख किसोर झा सदस्य सचिव रहने छ।

त्यस्तै शिक्षा शाखा प्रमुख, सबल नेपाल,कोशी पिडित समाज,सेभद सप्तरी लगायतका संघसंस्थाहरू सदस्य रहेको सबल नेपाल का असोक साह ले जानकारी दिए । उक्त अवसरमा सवल नेपाल का प्रमेश्वर झा,बाढी पुर्वानुमान प्रतिकार्य परियोजना अन्तर्गत सबल नेपाल का बिपत ब्यबस्थापन समन्वय अधिकृत शिवशंकर यादब, चन्दनकुमार यादब लगायत मनोपरामर्कता, स्वयमसेवकहरूको उपस्थिति रहेको थियो।