सप्तरीमा दुुई दिनमा करेन्ट लागेर तीनको मृत्यु

राजविराज , १९् साउन । सप्तरीमा मगलवार एक जना र बुधबार २ जनालाई करेन्ट लागेर  मृत्यु भएको छ । मृत्यु हुनेमा कञ्चनरुप नगरपालिका–६ घोघनपुर बस्ने नरेश सरदारको श्रीमती २० वर्षीया अन्जली सरदार र  ४० वर्षीया मधु भन्ने सौदानन्द सरदार  छन् । उनीहरु काका ससुरा–बुहारी हुन् ।

इलाका प्रहरी कार्यालय कंचनपुरका अनुसार सात महिनाकी गर्भवती अन्जली आफ्नै आँगनमा मोटर जडान गरिएको ट्युबेलमा पानी लिन जाँदा करेन्ट लागेको हो । अचेत भएकी बुहारीलाई छुटाउन गएका सौदानन्दलाई समेत करेन्ट लागेको थियो र दुवैको जनाको घटनास्थलमा नै मृत्यु भएको हो ।

यस्तै सप्तरीको राजगढ गाउँपालिका–२ कमलपुर बस्ने दुखी साहको छोरा ५६ वर्षीय शिवशङ्कर साहको  मगलवार  करेन्ट लागेर मृत्यु भएको छ । आफ्नै आँगनमा रहेको ट्युबेलमा जडान गरिएको मोटरमा पानी तान्ने क्रममा उनलाई करेन्ट लागेको थियो।

ट्युबेलमा जडान गरिएको मोटरमा पानी तान्ने क्रममा तिनै जनालाई करेन्ट लागर मृत्यु भएको छ।