संस्थामा १९ हजार १ सय ९१ सदस्य आबध

चन्दन यादब, राजबिराज, १९ साउन । सप्तरीको उत्कृष्ट सहकारी संस्थाहरू मध्ये नमुना सहकारीको रुपमा स्थापित आईडियल सहकारी संस्था लिमिटेडले २४ औ स्थापना दिवस मनाएको छ । राजबिराज स्थित संस्था को सभाहलमा बिहिवार एक समारोहका बीच स्थापना दिवस सम्पन्न गरेको छ ।

संस्थाका अध्यक्ष गणेश कुमार आशले २०५६ साल श्रावण १९ गते वाट वितिय कारोबार गर्दै आईरहेको संस्थाले निरन्तर रुपमा सदस्यहरुलाई उत्कृष्ट कारोबारको सेवा प्रदान गर्दै आएको बताए । उनले भने आईडियल सहकारी संस्थालाई मधेस प्रदेशकै उत्कृष्ट सहकारी संस्थाको रुपमा राष्ट्रिय सहकारी बैंकले पुरस्कृत गरिसकेको जानकारी दिए।

संस्थाले आफ्नै एप्स, क्यु आर कोड, मोबाइल बैन्किङ, एस एम एस, ए.टि.एम लगायत विभिन्न रेमिट्यान्स लगायतका सेवाहरु प्रदान गर्दै आएको छ । सप्तरी लाई कार्यक्षेत्र बनाई काम गर्दै आएका संस्थाको सेयर पुजी १० करोड ३३ लाख ७५ हजार १ सय रुपैया रहेको छ भने ऋण लगानी ९३ करोड ७ लाख ६३ हजार रुपैया, बचत संकलन– ९५ करोड ३५ लाख १७ हजार ४२ रुपैया गरी १ अर्ब २५ करोड रुपैया बराबरको आरोवार गरेको संस्थाका अध्यक्ष गणेश आश ले जानकारी दिनु भयो।

संस्थाको २ वटा सेवाकेन्द्रहरु संचालनमा रहेका छन भने संस्थामा हाल २१ जना कर्मचारीहरु कार्यरत रहेका छन् । संस्थाको असार मसान्त सम्म १९ हजार १ सय ९१ सदस्य आबद्ध रहेका छन् । आगामी दिनमा संस्थाले सदस्य सेवाकेन्द्ररु विस्तार गरी आफ्ना सदस्यहरुलाई थप उत्कृष्ट सेवा प्रदान गर्ने संस्थाको योजना समेत रहेको संस्थाका संस्थाका ब्यवस्थापक विनोद कुमार साफी बताउछन ।

सहकारी मुल्य मान्यता र सिद्धान्तको पालना गरी सामाजिक उत्तरदायित्व अन्तर्गतका कार्यक्रमहरुलाई विशेष प्राथमिकता दिदै आईरहेको सो संस्था नेफ्स्कूनको प्रोवेशन ब्राण्डमा समेत आबद्ध भईसकेको ब्यबस्थापक साफी ले बताए ।