एकै दिन सामाजिक विकास मन्त्री साहले गरे सप्तरीमा तिन वटा विद्यालय भवनको उद्घाटन 

सप्तरी,०७ भाद्र । मधेश प्रदेशका सामाजिक विकास मन्त्री नबल किशोर साहले सोमवार सप्तरीमा सामाजिक विकास मन्त्रालय द्धारा नवनिर्मित तीनवटा विद्यालय भवनहरूको उद्घाटन गरेका छन ।

सप्तरीको महादेवा गाउपालिका वडा नं १ मा मन्त्रालयको ५० लाखको लागतमा निर्मित श्री नर बहादुर थापा जनता माध्यमिक विद्यालय पकरीको गोठ सोनरा को दुई कोठै भवनको एक समारोहका बीच उद्घाटन गरेका छन । यसैगरी राजविराज नगरपालिका वडा नं ६ मा २५ लाखको लागतमा थान गाछी आधारभुत विद्यालयको उद्घाटन गरेका छन भने अग्निसाईर कृष्णासवरण गाउपालिका वडा नं ३ मा निर्मित मटिगढी मावि भवनको समुद्घाटन गरेका छन ।

उद्घाटन कार्यक्रममा प्रदेश सभ सदस्य नेत्रविक्रम साह, जसपा के.स. विकाश तिवारी ,महादेवा गाउँपालिकाका अध्यक्ष सुनिल कुमार मण्डल, अग्निसाईर कृष्णासवरण गापाका उप प्रमुख कल्पना चौधरी, निवर्तमान उपाध्यक्ष मिना चौधरी, वडा नं ३ का वडा अध्यक्ष गोपाल चौधरी,  राजविराज नापा ०६ का वडा अध्यक्ष शशि चौधरी, जसपा जिल्ला सदस्य चित्रन्जन यादव, रामदेव यादव लगायत स्थानीयवासी हरूको उपस्थिति रहेको थियो।