Memo Khabar 
राजबिराज, ०८ भाद्र । सप्तरीको दक्षिण भेगका तिलाठी कोइलाडी, विष्णुपुर र छिन्नमस्ता गाउपालिका मा रहेका आधिकांश समुदाय बिधालय मा पंखा जडान नहुदाँ विद्यार्थीहरूलाई पठनपाठनमा समस्या उत्पन्न भएको छ ।बिधालय
केही दिन देखि प्रचण्ड गर्मीका कारण समुदाय बिधालय हरूको कक्षा कोठामा पंखा जडान नहुदाँ कक्षा कोठामा छात्रछात्राहरूलाई अध्ययनअध्ययापन गर्न कठिनाइ हुने गरेको विद्यार्थीहरूले गुनासो गर्दै आएका छन ।
तिलाठी कोइलाडी गाउपालिका वडा नम्बर ६ का विद्यार्थीहरूले प्रावि कोमधेपुरा सहित पालिकाको आधिकांश बिधालय हरूमा पंखा जडान र शुद्ध खानेपानीको व्यवस्थापन हुन नसक्दा प्रचण्ड गर्मीका कारण कक्षा कोठामा छात्रछात्राहरूलाई बस्न नसकने अवस्था रहेको बाल कल्वका सदस्य सन्तोष झा ले गुनासो गरे ।
उनले भने जनप्रतिनिधिले चुनाव अगाडि शिक्षा र स्वास्थ्यमा धेरै योजना ल्याउने प्रतिबद्धता गरेपनि जितेपछि सबै प्रतिबद्धता बिर्सिने गरेको छ, भने विद्यालयको अवस्थाको प्रति गम्भीर नभएको चिन्ता व्यक्त गरेका छन ।
बुधवार तिलाठी कोईलाडी गाउपालिका वडा ६ स्थित को। मधेपुराको रा।प्रा।बि प्राङ्गणमा सेभद सप्तरीको आयोजना र सेभद चिल्ड्रेनको सहयोगमा आयोजित अन्तरपुस्ता संवाद कार्यक्रममा आधिकांश बाल कल्वका विद्यार्थीहरूले बालबालिकाहरूको लागि बजेट छुट्याउन, दाइजोप्रथा, बालविवाह, लागूपदार्थ लगायत सवालको बारेमा जनचेतना मूलक कार्यक्रम सञ्चालन गर्नुपर्नेमा जिज्ञासा राखेका थिए ।
उक्त अवसरमा तिलाठी कोईलाडी गाउपालिका वडा ६ का अध्यक्ष रोशन सिंहले रा।प्रा।बि कोमधेपुरा विद्यालयमा चाडै पंखा जडान र शुद्ध पानीको व्यवस्थापन गर्ने प्रतिबद्धता जनाएका थिए। उनले भने समाजमा हुने बालविवाह, देहज प्रथाको अन्त गर्न आफु तयार रहेकोले यस तर्फ स्थानीयवासीहरूले पनि सहयोग गर्न आग्रह गरे ।
सो अवसरमा रा।प्रा।बि कोमधेपुरा बिधालय व्यवस्थापन समितिका पूर्व अध्यक्ष सुधांशु प्रसाद सिंहले बिधालय व्यवस्थापनका लागि पालिकाले आवश्यक बजेट नछुट्याउँदा बिधालयको शैक्षिक गतिविधिमा अवरोध हुनेगरेकोले यस तर्फ सरोकारवाला निकाय गम्भीर हुनुपर्नेमा जोड दिएका थिए ।
सो अन्तरपुस्ता संवाद कार्यक्रममा वडा सचिव जगदिश यादव, स्वास्थ्य चौकी इन्चार्ज निरज कुमार साह, विद्यालयका प्रअ रामप्रसाद यादव, सेभद सप्तरीका फिल्ड अधिकृत दुर्गानन्द शर्मा, मुकेश साह, पत्रकार चन्दन यादव लगायतले समुदाय बिधालयको गुणस्तरीय शिक्षा र व्यवस्थापन तर्फ जोड दिएका थिए ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |