सप्तरीमा सशस्त्र प्रहरीद्वारा अवैध औषधि  बरामद      

सप्तरी, १४ भाद्र  ।  सप्तरीको बोदेबर्साइन नगरपालिका वड नम्वर ८ स्थित सोनापुरबाट सशस्त्र प्रहरीले १ लाख भन्दा बढिको अवैध औषधि  बरामद गरेको छ ।

भारतबाट अवैध रुपमा ल्याइ रहेको अवस्थामा सशस्त्र प्रहरी बल नेपाल बिओपि स्वर्णपटि को टोलीले १ लाख ४ हजार ८ सय रुपैयाँ बराबरको अवैध औषधि  बरामद गरेको सशस्त्र प्रहरी बल नेपाल ६ नम्वर गणका गणपति सशस्त्र प्रहरी उपरीक्षक  प्रदिप खडकाले जानकारी दिएका छन् । 

सशस्त्र प्रहरीको गस्ती टोली हेरेर तस्करहरू औषधि  फालेर फरार भएको तथा तस्करहरूको खोजी कार्य तिव्र रुपमा भइरहेको जनाएको छ । यता बरामद  गरिएका औषधीलाई आवश्यक अनुसन्धानको लागि राजविराज भन्सार कार्यालय तीलाठी पठाएको तथा घटनाको थप आवश्यक अनुसन्धान कार्य भइरहेको सशस्त्र प्रहरी बल नेपाल ६ नम्वर गणले जनाएको छ ।