बजाज पल्सर एनएस १२५ विएस सिक्सको राजविराजमा बिक्री सुरु 

राजविराज,३० भाद्र । नेपालको लागि बजाजको आधिकारिक बिक्रेता हंसराज हुलास चन्द एण्ड कम्पनी प्रालिले बजाजको बहुप्रतिक्षित मोटरसाइकल पल्सर एनएस १२५ विएस सिक्स नेपालमा बिक्री सुरु गरे संगै राजविराजको लागी बजाजको आधिकारिक बिक्रेता खान अटो मोवाइल बजाज शोरुमले पल्सर एनएस १२५ विएस सिक्स बिक्री सुरु गरेको छ ।

नयाँ पल्सर एनएस १२५ विएस सिक्स विशेष युवालाई ध्यानमा राखेर डिजाइन गरेको हो । इन्जिनको बारेमा कुरा गर्ने हो भने, बाइकमा १२५ डीटीएस–आइ इन्जिन छ जसले ११.८२ बिपिएच पावर र ११ एनएम टर्क जेनेरेट गर्छ । यो इन्जिन ५ स्पीड गियरबक्सले सुसज्जित छ । इन्जिन एकदम शक्तिशाली छ र हाइवे मा पनि उत्कृष्ट परफॉरमेंस प्रदान गर्नेछ राजविराज स्तिथ खान अटो मोबाइलका प्रोप्राइटर कलिम खानले जानकारी दिए ।

डाइमेन्सनका हिसाबले नयाँ पल्सर एनएस १२५ को कर्ब वजन १४१ केजी छ । राम्रो ब्रेकिङका लागि अगाडिको पाङ्ग्रामा २४० एमएम डिस्क ब्रेक र पछाडि १३० एमएम ड्रम ब्रेक लागेको छ । यो बाइकको नेपालमा मूल्य २ लाख ७९ हजार ९ सय रुपैयाँ तोकिएको छ ।

दशैको विशेष अवसरमा  ग्राहकले २५ प्रतिशत डाउनपेमेन्ट गरेर पल्सर एनएस १२५ मोटरसाइकल खरिद गर्न सक्नेछन् र साथै बजाजको कुनै पनि मोटरसाइकल खरिद गरेमा ग्राहकले ८ हजार सम्म छुट पाउने प्रोप्राइटर खानले बताए ।