८० बर्षीय बृद्धले मुंगाको रुखमा झुण्डिएर गरे आत्महत्या

राजविराज , ६ मंसिर । सप्तरीको रुपनी गाउँपालिका वडा नम्बर ६ स्थित विरेन्द्र बजारमा मंगलबार एक ८० बर्षीय बृद्धले झुण्डिएर आत्महत्या गरेको छ।

सूर्य बहादुर थापा मगरले घर नजिकैको मुंगाको रुखमा झुण्डिएर आत्महत्या गरेको हो । आफैले घाँटीमा डोरीको पासो लगाएर आत्महत्या गरेको हुनसक्ने प्रहरीले प्रारम्भिक अनुमान गरेको छ ।

प्रहरीको प्रारम्भिक अनुसन्धानपछि मगरको शव राजविराजस्थित गजेन्द्र नारायण सिंह अस्पतालमा परीक्षण गरि परिवारको जिम्मा लगाएको जिल्ला प्रहरी कार्यालय सप्तरीले जनाएको छ ।