रुपनी राजविराज सडक निर्माण कार्य शुरु

राजविराज, २० मंसिर । रुपनी देखि राजविराज सम्मको चार लाइन सडक निर्माणको काम शुरु भएका छन् ।

 रुपनी बजार देखि १० किलो मिटर सम्म लम्बाइ र ३० मिटर चौडाइ रहेको सडक निर्माण कार्यका लागि सडक छेउ छाउमा पर्नै घर टहरा रुपनी गाउँपालिकाका अध्यक्ष दिनेश कुमार यादवको अगुवाइ तथा स्थानीय हरुको पहलमा हटाउने गरेका छन् । 

सडक डिभिजन कार्यालय लहानका इन्जिनियर रमेश गोईतले दिएको जानकारी अनुसार ३ अर्बको अनुमानित लागतमा निमार्ण हुने रुपनी राजविराज सडक निर्माण हाल  ५५ करोडको टेन्डर स्वीकृत भई काम थालिएको जानकारी दिए ।

३० मिटर चौडाइ सडक निर्माण  मा १९ मिटर कालोपत्रे, सडकको दुवै पट्टि फुटपाथ, सोल्जर र मिडियन समेत रहने  इन्जिनियर गोईतले जानकारी दिए ।

एमएस साह र दिवा जेभी कन्स्ट्रक्सन कम्पनीले ठेक्का पाएका सडक निमार्ण हाल  केही साना तिना पुल निर्माणको क्रममा रहेका छन भने सडक फराकिलो का लागि स्थानीय प्रमुखको पहलमा काम भइरहेको गोईतले बताए ।