सप्तरीको रुपनीमा टिपरको ठक्करबाट स्कुले बालिकाको मृत्यु

राजविराज, ५ पुस । सप्तरीको रुपनी गाउँपालिका -१ मा टिपरको ठक्करबाट एक स्कुले बालिकाको मृत्यु भएको छ । स्थानीय  स्कुलमा कक्षा ६ मा अध्ययनरत शंकर यादवकी १२ वर्षीया छोरी रिता कुमारी यादवको आज बिहान टिपरको ठक्करबाट ज्यान गएको हो ।

विद्यालय गइरहेकी बालिकाको ना १ क ८५४२ नम्बरको टिपरको ठक्करले उनको घटनास्थलमै  मृत्यु भएको भएको छ ।

मृत्यु भएपछि उनका आफन्त र स्थानीयले  राजमार्गमा अवरुद्ध गरी प्रदर्शन गरिरहेका छन् । सोही क्रममा प्रहरीले ८ राउन्ड अश्रुग्यास र १० राउन्ड हवाइ फायर गरेको छ भने अवस्था नियन्त्रणमा लिन जिल्ला प्रहरी कार्यालयका प्रहरी नायब उपरीक्षक नरेशकुमार सिंह नेतृत्वमा प्रहरी टोली परिचालन गरिएको जनाएको छ ।