चन्दन यादब 
राजबिराज, २६ पुस । २९ औं लोकेन्द्र बुढाथोकी स्मृति दिवसको अवसरमा लोकेन्द्र स्मृति पत्रकारिता पुरस्कारबाट पत्रकार विन्दु कुमार यादव प्रदान गरिएको छ ।
मंगलबार पत्रकार लोकेन्द्र बुढाथोकीको स्मृतिमा नेपाल पत्रकार महासंघ सप्तरीले स्थापना गरेको लोकेन्द्र स्मृति पत्रकारिता पुरस्कार यसवर्ष पत्रकार यादवलाई प्रदान गरिएको हो । सप्तरी जिल्लालाई कार्यक्षेत्र बनाएर पत्रकारिता गर्दै आएका यादब पुरस्कृत भएका छन् ।
कार्यक्रमका प्रमुख अतिथि प्रेस काउन्सिल नेपालका अध्यक्ष बालकृष्ण बस्नेतले पूर्व प्रभात दैनिकका सम्पादक यादवलाई नगद ५ हजार ५ रुपैयाँसहित यो पुरस्कार प्रदान गरेका हुन । महासंघले आयोजना गरेको २९औं लोकेन्द्र कुमार स्मृति दिवसको अवसरमा आयोजित एक समारोहका बिच माला र प्रमाण पत्रसहित सम्मानित गरेका छन् ।
सप्तरीको शभुनाथ नगरपालिका १ निवासी यादव पूर्व प्रभात दैनिकको सम्पादक रहि करिब एक दशकभन्दा अगाडिदेखि पत्रकारिता क्षेत्रमा आवद्ध छन् । नेपाल पत्रकार महासंघ सप्तरी शाखाका पूर्व कार्यसमिति सदस्य समेत रहेका उनी प्रेस सेन्टर सप्तरीका आबद्ध छन् ।
यसैगरी सोही समारोहमा वातावरण दैनिकका सम्पादक एवम् नेपाल पत्रकार महासंघ सप्तरीका पूर्व सभापति बैधनाथ झाले स्थापना गरेको वातावरण पत्रकारिता पुरस्कारबाट पत्रकार उमेश कुमार साहलाई सम्मानित गरिएको छ । सप्तरीको वोदेवरसाईन नगरपालिका वडा नम्वर–९, देउरी निवासी साह सप्तरीलाई कार्यक्षेत्र बनाएर मधेश टप अनलाइन र पब्लिक प्रेसको सह– सम्पादक रहेर कार्यरत छन् ।
सप्तरीका एक जना यूवा पत्रकारलाई हरेक वर्ष प्रदान गरिंदै आएको यो पुरस्कार राजविराजबाट प्रकाशित आजको वातावरण दैनिक पत्रिकाका प्रकाशक र सम्पादक तथा प्रेस स्वतन्त्रता सेनानी वैद्यनाथ झाले स्थापना गरेको उक्त पुरस्कार कार्यक्रमका प्रमुख अतिथि बस्नेत र प्रजिअ भुपेन्द्र थापाले प्रदान गरेका छन् । उक्त पुरस्कार प्रत्येक वर्ष पुस २७ गते उमा सिंह स्मृति दिवसको अवसर पारेर वितरण गरिँदै आएको छ ।
महासंघ शाखाका अध्यक्ष श्रावण कुमार देवको अध्यक्षतामा आयोजित कार्यक्रममा बोल्दै प्रमुख बस्नेतले सप्तरीको पत्रकारिता देशमा प्रशंसा योग्य रहेको बताए ।
पत्रकारहरूको समस्या समाधानमा काउन्सिल प्रतिबद्ध रहेको बताउँदै निर्भिकताको साथ सदाचारयुक्त समाचार सम्प्रेषण गर्न आग्रह गरे । पत्रकारहरूको पक्षमा निरन्तर काम गरिरहेको बताउँदै बस्नेतले पत्रकारहरूले विश्वसनीयता, सबैले पत्याउने र राम्रो पत्रकारिता गर्नुपर्नेमा जोड दिए ।
कार्यक्रममा नेपाल पत्रकार महासंघका केन्द्रिय सचिव गोविन्द चौलागाईं, प्रेस काउन्सिल नेपालका सदस्य राम प्रसाद दाहाल, महासंघका पूर्व केन्द्रिय सदस्य अवधेश कुमार झा, पूर्व अध्यक्षहरु विष्णु कुमार मण्डल, बैद्यनाथ झा, मुरली प्रसाद यादव, जितेन्द्र खडगा, वरिष्ठ पत्रकार अनिल कुमार अनल लगायतकाले मन्तव्य व्यक्त गरेका थिए भने कार्यक्रम संचालन सचिव रामनारायण बिश्वासले गरेका थिए ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |