राजदेवी बसपार्क जोडने बाटोको निर्माण कार्य तीब्र 

राजबिराज, ३० पुष । राजबिराज –२ राजदेबी बसपार्क देखि पश्चिम भोला घर हुँदै भलुवाही पुल जोडने बाटोको निर्माण कार्य तिव्रता दिएको छ । 

राजदेवी बसपार्क देखि सिधा गजेन्द्र चौक जोडने एक मात्र सडक खण्ड अन्तर्गत उक्त २ सय मिटर लम्बाइको बाटोमा नाला र ढलान सडक निर्माण कार्य थालिएको हो । 

बिहीबार बसपार्क जोडने सडक अन्तर्गत भोला साहको घर देखि भलुवाही पुल सम्मको नाला र सडक निर्माण कार्य थालिएको वडा अध्यक्ष अरूण यादवले बताए ।राजबिराज नगरपालिका र वडा कार्यालयको समन्वयमा र सडक बोर्ड योजना अन्तर्गत कुल ५० लाख २७ हजार ९ सय रुपैयाँको लागतमा उपभोक्ता मार्फत निर्माण कार्यलाई तिव्रता दिएको वडा अध्यक्ष यादबले जानकारी दिए । 

वर्षौ देखि जीर्ण रहेको उक्त सडक साविकमा ३  मिटर रहँदा अहिले आवश्यकता अनुसार संरचना भत्काएर त्यसलाई ५ मिटरको सडक बनाएको अध्यक्ष यादवले बताए  । निर्माण थालिएको उक्त बाटोमा १ सय ५० मिटरमा नाला निर्माण कार्यलाई तिव्रता दिएको उपभोक्ता समितिका सदस्य मोहम्मद वासिमले जनाएको छ। 

निर्माणधीन बाटो राजदेवी सडक खण्ड अन्तर्गत बसपार्क देखि पश्चिम भलुवाही पुल हुँदै माछा हटिया र गजेन्द्र चौक जोडने सडकमा दैनिक सयौँ सर्वसाधारणलाई आवतजावतमा सहज हुने वडा सदस्य राजुउद्विन खाँ (मुन्ना)  ले बताए ।