शम्भु झा द्धारा किरिया खर्चका लागि आर्थिक सहयोग

सप्तरी, १५ माघ । हनुमाननगर कंकालिनी नगरपालिका- ७ निवासी गुलाई सदाको मृत्यु भएपछि घरमा किरिया खर्च समेत नभएको अवस्थामा हनुमाननगर कंकालिनी नगरपालिका–.१ निवासी राजबिराज टुडे दैनिक पत्रिकाका प्रकाशक तथा समाजसेवी शम्भु झाले आर्थिक सहयोग गरेको छ ।

राजबिराज टुडे दैनिक पत्रिकाका  पत्रकार धर्मपाल राउत मृतक सदाको घरमा पुगेर किरिया खर्चको लागि मृतकका श्रीमती भौकि सदालाई १० हजार ५ रुपैयाँ हस्तान्तरण गरेको हो । 

परिवारमा आर्थिक समस्या रहेको जानकारी पाएपछि काजकिरिया खर्च गर्न प्रकाशक शम्भु झाले आर्थिक रकम सहयोग गरेको पत्रकार धर्मपाल राउतले जानकारी दिए । गुलाई सदाको केही दिन अघि  चिसोले कठ्याँग्रिएर मृत्यु भएको थियो ।

सहयोग हस्तान्तरणमा पत्रकार राजेन्द्र कुमार मिश्र, वडा सदस्य राजेश प्रसाद दास, सचिव योगेन्द्र ढकाल, समाजसेवी सुर्य नारायण रजक, अगहनिया सदा, बाला सदा लगायतको सहभागी रहेको थियो ।