बालाजी डेन्टल क्लिनिकले दोस्रो वार्षिक उत्सव मनाइयो

राजबिराज, ५ फागुन । राजबिराजमा बालाजी डेन्टल क्लिनिकले आफ्नो दोस्रो वार्षिक उत्सव मनाएको छ । शुक्रवार राजबिराज वडा ४ स्थित माछापुछ्रे बैंकको छेउमा रहेको डेन्टल क्लिनिकले एक कार्यक्रम बिच केक काटेर दोस्रो वार्षिक उत्सव मनाएको हो । 

बालाजी डेन्टल क्लिनिकले आर्थिक बर्ष २०७८/७९ मा जिल्लाको तिरहुत र राजगढ गाउँपालिकामा शिविरको आयोजना गरी २ सय ३०  जनालाई निशुल्क उपचार गरेको किल्निकका संचालक तथा डाक्टर बिवेक कुमार झा (चन्चल) ले जानकारी दिए । 

यस आर्थिक बर्षमा छिन्मस्ता गाउँपालिकामा र राजबिराज कारागारमा कैदीबन्दीका लागि निशुल्क डेन्टल शिविरको आयोजना गरिने संचालक झाले जानकारी दिए । 

सो अवसरमा मधेश प्रदेश सभा सदस्य तथा जसपा प्रवक्ता मनिष कुमार सुमन, लोसपा नेता बिनोद सिँह, गजेन्द्र मण्डल, लोसपा जिल्ला सुनिल झा, निजामती आधिकारिक कर्मचारी ट्रेड युनियनका अध्यक्ष  अजय झा, नेपाल पत्रकार महासँघ सप्तरी अध्यक्ष श्रवण देव, कोषाध्यक्ष नवीन गुप्ता लगायतको उपस्थिति रहेको थियो ।