होलीमा ४० वटा मोटर साइकल र ९ जना उच्छिृन्खल गतिविधि गर्ने प्रहरीको नियन्त्रणमा

राजविराज, २३ फागुन । राजविराज सहित सप्तरी जिल्लामा उल्लासमय वातावरणमा होली पर्व मनाइएको छ । 

यसैबीच, होलीको दिन जथाभावी रुपमा होहल्ला तथा मादक पदार्थ सेवन गरी सवारी चलाउने, ओभर लोड तथा मोटरसाइकलमा तीनजना राखेर चलाउने, तीव्र गतिमा चलाउने र ठूलो आवाज निकालेर चलाउने लाई कारवाही गरिएको छ ।

मंगलबार साँझसम्ममा होहल्ला तथा  ट्राफिक नियम उलंघन गरी सवारी साधन चलाउने  ४० वटा मोटर साइकल र उच्छ्रिन्खल गतिविधि गर्ने ९ जना लाई  नियन्त्रणमा लिएको  जिल्ला प्रहरी कार्यालय सप्तरीले जनाएको छ ।

जिल्ला प्रहरी कार्यालय सप्तरीले होली पर्व शान्त र सभ्य तवरले मनाउनको लागि सुरक्षा योजना तयार गरिए अनुसार प्रहरी परिचालन गरी शान्ति सुरक्षाको लागि जिल्लाका संवेदनसिल ४५ स्थानमा पिकेट डिउटी, १८ स्थानमा ट्राफिक सहितको चेकिङ प्वाईन्ट, ९ वटा मोबाईल गाडी, २५ वटा क्यूआरटी परिचालन गरी हर्षौउल्लासका साथ मनाउनको लागि सुरक्षा व्यबस्था मिलाइएको थियो ।