नारी दिवसमा खडकमा विभिन्न कार्यक्रम गरी मनाईयो

राजबिराज । ११३औ अन्तराष्ट्रीय महिला दिवसको अवसरमा सबल नेपालद्वारा विभिन्न कार्यक्रम गरी मनाईएको छ ।

बुधवार खडक नगरपालिकाको समन्वयमा एवं सेभ द चिल्ड्रेनको साझेदारीमा संचालनमा रहेको सम्मुनति कार्यक्रम अन्तर्गत शिक्षा शाखाको नेतृत्वमा अंग्रेज़ीमा मावि स्तरीय निबन्ध प्रतियोगिताको आयोजना गरीएको छ ।

सो प्रतियोगितामा छात्रा तर्फ खुशवु साह एवं छात्र तर्फ निरज साह प्रथम स्थान प्राप्त गरेको छ । यसैगरी पालिकाको महिला शाखाको अगुवाईमा वृहत र्याली एवं अन्तरक्रिया कार्यक्रमको आयोजना गरिएको छ ।

नगर कार्यपालिकाको सदस्य गौरी चौधरीको अध्यक्षतामा आयोजना भएको उक्त कार्यक्रमको प्रमुख अतिथि मधेश प्रदेशका पुर्वगृह तथा सुचना संचार राज्य मंत्री रुवी कर्ण, नगरपालिकाका नगर प्रमुख जयप्रकाश चौधरी एवं अन्य अतिथिमा विभिन्न सरोकारवाला, समाजसेवी, बुद्धिजीवी लगायतको उपस्थित रहेको थियो ।

उक्त कार्यक्रममा नगरपालिकाद्वारा खडकमा समाज विकासको अभियानमा सहयोग पुर्याईरहेको विभिन्न संघ संस्थाहरु सेभ द चिल्ड्रेन, एसएनभी नेपाल, सबल नेपाल लगायतलाई सम्मान गरीएको थियो भने दुई वटा महिला सहकारीहरुलाई समेत सम्मान गरीएको छ । उक्त अवसरमा नगर वाल संजालद्वारा वाल विवाह सम्बन्धी सडक नाटक प्रस्तुत गरीएको थियो ।

यसैगरी एसएनभी नेपालको साझेदारीमा संचालनमा रहेको ूस्वस्थ्य विकासका लागी शहरी सरसफाइ तथा स्वच्छताू कार्यक्रम अन्तर्गत वडा नं ६ को चकवा वस्तीमा आमा समुहहरु संग अन्तर्किया कार्यक्रमको आयोजना गरीएको सबल नेपालले जनाएको छ ।

वडा सदस्य शंकर चौधरीको अध्यक्षतामा भएको उक्त कार्यक्रममा पुर्व वडा अध्यक्ष भगवती चौधरी वडा स्तरीय खानेपानी सरसफाइ तथा स्वच्छता समन्वय समितिको सचिव फुल्केन्द्र चौधरी, पत्रकार विरेन्द्र साह लगायतको उपस्थिति रहेको थियो ।