आगलागी बाट पीडित भएका सदा परिवारलाइ राहत सामग्री वितरण

राजविराज, २५ फागुन । फागुन १६ गते आगलागी बाट पीडित भएका सप्तरीको डाकनेश्वरी नगरपालिका वडा नम्बर ०५ पातोका अग्निपीडित परिवारलाई धर्मी हल्फा महिला विकास क्लवले राहत सामग्री वितरण गरेका छन् ।

सहयोगी हातहरूको एउटा सानो सहयोग स्वरुप धर्मी हल्फा महिला विकास क्लब सप्तरीद्वारा डाकनेश्वरी नगरपालिका अग्निपीडित टुनी सदाको परिवारलाई राहत सामग्री बितरण गरेका हुन ।

अग्निपीडित सदाको परिवारलाई सहयोग स्वरुप त्रिपाल, झुल, तन्ना, लुगाफाटा र भाडाकुडा लगायतका सामाग्रीहरू वितरण गरेको संस्थाका अध्यक्ष एवं समाजसेवी  इन्जिनियर सूर्य नारायण यादवले जानकारी दिएका छन् ।

उक्त कार्यक्रमा इलाका प्रहरी कार्यालय पातोका प्रहरी बरीष्ट नायब निरीक्षक राजेश कुमार बस्नेत, पत्रकार महेन्द्र सदा, समाजसेवी दीपेन्द्र यादव लगायत स्थानीय व्यक्तिहरूको उपस्थिति रहेको थियो।