भैँसीपालनमा बृद्वि ल्याउन भैंसी प्रजनन सम्बन्धी एक दिने स्वास्थ्य शिविर सम्पन

राजबिराज । भैसीमा देखिने समस्या र भैंसी पालनबृद्वि ल्याउन यहाँ भैंसी प्रजनन, सम्बन्धी एक दिने स्वास्थ्य शिविरको आयोजना गरिएको छ ।

बिहीवार रूपनी गाउपालिका वडा ६  स्थित चौधरी बस्तीमा राष्ट्रिय भैंसी अनुसन्धान कार्यक्रम अन्तर्गत यस क्षेत्रको ५० वटा भैँसीको स्वास्थ्य उपचार सँगै आवश्यक औषधी समेत वितरण गरिएको हो ।

उक्त शिविरमा आधिकांश भैसीमा पोषणको समस्या देखिएको र शरीरमा चाहिने मासु नभएको र खानपानमा उचित सन्तुलन नभएको एनबिआरपीका डा पंकज झाले जानकारी दिए ।

भैंसी पालकहरूले समयमा औषधी उपचार सँगै आन्तरिक परजीवी सम्बन्धी औषधी नदिएको पाइएकोले जसले गर्दा प्रजनन सम्बन्धी समस्या हुने गरेको राष्ट्रिय भैँसी अनुसन्धान कार्यक्रम तरहरा, सुनसरीका प्रमुख पवन झाले बताए ।

उनले भने उचित खानपिन र आवश्यक औषधी नपाउदाँ कृषकहरूले भैँसीपालनमा आक्रसन सँगै दूध उत्पादनमा कमी आउने गरेकोले भैंसी पालनमा आक्रसण बढाउन समुचित ब्यवस्था गर्नुपर्नेमा जोड दिए । प्रमुख झा अनुसार सुनसरी,  सप्तरीको रूपनी सहित तिरहुत डिमन, अग्नीसाईर गाउँपालिकाको महुलीमा भैंसी स्वास्थ्य शिविर संचालन गर्दै आएको बताए ।

यस अगाडि पहिलो चरणमा भैसीपालकहरूलाई भैंसीपालन सम्बन्धी तालिम तथा अन्तरक्रिया कार्यक्रम सम्पन्न गरी दोस्रो चरणमा प्रजनन स्वास्थ्य शिविरको आयोजना गरेको प्रमुख झा बताउँछन् । सो अवसरमा भैँसीहरूको उपचार पश्चात् रूपनी गाउँपालिकाका अध्यक्ष दिनेश यादबले कृषक र भैसीपालकहरूलाई भैँसीका लागि चाहिने आवश्यक औषधी वितरण गरेका थिए ।

आई.एल.आर. आईको सहयोगमा तथा साईकृषी सहकारी संस्था रूपनी १ का अध्यक्ष तेज नारायण यादबको अगुवाइमा संचालित शिविरमा डा। शिवनाथ महतो, डा. पंकज झा, डा. लिलाराम पाठक र डा. यनमनी नेपालले भैँसीको उपचार गरेका थिए ।