बोदेबर्साईन नगरपालिकामा झुण्डिएको अवस्थामा एक जना मृत फेला 

राजविराज, २५ जेठ । सप्तरीको बोदेबर्साईन नगरपालिकामा एक जना झुण्डिएको अवस्थामा विहीबार बिहान फेला परेका छन् ।

मृत फेला पर्नेमा बोदेबर्साईन नगरपालिका- ८ वैरियाही वस्ने बिरेन्द्र कुमार यादवको छोरा अन्दाजी वर्ष २० को चित्ररंजन कुमार यादव रहेका छन् । 

घर नजिकै रहेको श्रीलाल यादवको बगैँचामा आपको रुखमा नाइलनको डोरीको पासो लगाई झुण्डिएको अवस्थामा मृत फेला परेको प्रहरीले जनाएको छ ।

घटना बारे खवर प्राप्त हुन साथ देव अवतार चौधरीको कमान्डमा प्रहरी चौकी काचनबाट प्रहरी टोली घटनास्थलमा पुगेको थियो । यता घटनाबारे  थप अनुसन्धान भइरहेको जिल्ला प्रहरी कार्यालय सप्तरीले जनाएको छ ।