राजविराजमा बोतलमा खुल्ला रुपमा पेट्रोल बेच्ने एक जना प्रहरी हिरासतमा 

राजविराज । खुल्ला रुपमा मिसावट गरी  बोतलमा  पेट्रोल बेच्ने एक जना सप्तरीबाट पक्राउ परेका छन् । पक्राउ पर्नेमा राजविराज नगरपालिका वडा नम्बर १ डुमरी बस्ने गुलाम मियाँ रहेको छ । 

मियाँले आफ्नो किराना  किराना पसलमा अबैध रुपमा  पेट्रोल राखी बजारभन्दा बढी मूल्यमा बिक्री गरी कालोबजारी गरिएकाले उनलाई पक्राउ गरिएको जिल्ला प्रहरी कार्यालय सप्तरीले जनाएको छ ।

जिल्ला प्रहरी कार्यालय सप्तरीले पक्राउ गरेका मियाँलाई सप्तरी जिल्ला अदालतबाट म्याद लिई थप अनुसन्धान गरिरहेको छ । उनलाई कालो बजारी गरेको आरोपमा साउन ९ गते मंगलबार नियन्त्रणमा लिएको थियो ।