गजेन्द्र नारायण सिँह अस्पताल कर्मचारी अध्यक्षमा डा. अमित चयन 

राजबिराज, २० साउन । अस्पताल विकास समिति कर्मचारी युनियन गजेन्द्रनाराण सिंह अस्पताल ईकाई समितिको अध्यक्षमा डा. अमित कुमार यादब सर्वसम्मति वाट चयन गरिएको छ ।

शनिवार राजबिराजमा सम्पन्न चौथो अधिवेशन वाट यादबको अध्यक्षतामा २१ सदस्यिय कार्यसमिति चयन गरिएको हो ।

गठित समितिको उपाध्यक्षमा उतमलाल साह, सचिवमा सन्तोष यादब, कोषाध्यक्षमा दिनेश कुमार यादबलाई चयन गरिएको छ ।

यसैगरी समितिको सदस्यहरूमा दिलिप यादब, निसु कर्ण, गिता यादब, रंजय झा, शशी प्रभात यादब, राजकुमार मिश्र, प्रमोद मेहतर, दिपक मेहतर, प्रमोद मण्डल, डोमर कुमार मण्डल, महिनारायण प्रसैला यादब, बिनिता झा, रन्जु देव, हेमा रजक, दुबीलाल यादब, खुश्वु मिश्र, र तेजकला यादब रहेको छ ।

सो अवसरमा अधिवेशनको उद्घाटन गर्दै जिल्ला सम्वन्वय समिति सप्तरीका प्रमुख शिवनाराण साहले अस्पताल विकास समिति अन्तर्गत कार्यरत कर्मचारीले पाउनुपर्ने जति तलब नपाएकै कारण अस्पतालको अवस्था बिग्रदै गएको बताए ।

नेपाल सरकारले तोकेको न्यूनतम तलव पनि कर्मचारीले नपाउँदा काम गर्ने उत्साहमा कमी आएकाले झनै अस्पतालको अवस्था विग्रदै गएको उनले तर्क गरे । ‘जस्तो कर्मचारीको अवस्था छ, त्यस्तै अस्पतालको पनि अवस्था छ’ साहले भने ।

अस्पताल इकाई समितिका अध्यक्ष मनोज देवको अध्यक्षतामा आयोजित उद्घाटन सत्रमा अस्पताल विकास समितिका केन्द्रिय महासचिव नवराज लुईटेलले आन्तरिक प्रतिस्पर्धाबाट हाल अस्पताल विकास समिति अन्तर्गत कार्यरत कर्मचारीलाई स्थायी गर्नुपर्ने माग गरे । ‘निराश नहुनुस तर खवरदारी गर्नुस्’ उनले भने ।

अस्पतालका निमित्त मेडिकल सुपरिडेन्टेन्ट दिलिप साहले आर्थिक अवस्थामा सुधार आएपछि कर्मचारीको तलव वृद्धि गर्ने प्रतिवद्धता जनाए ।

कार्यक्रममा गोरखापत्र दैनिकका मधेश प्रदेश समितिका व्यूरो प्रमुख धीरेन्द्र प्रसाद साह, नेपाल प्रेस युनियन सप्तरीका अध्यक्ष विनय कुमार लाल कर्ण, निजामति कर्मचारीहरुको आधिकारिक ट्रेड युनियन सप्तरीका अध्यक्ष अजय कुमार झासहितकाले श्रमिक ऐन अन्तर्गत कर्मचारीहरुलाई तलव दिनुपर्नेमा जोड दिए ।