राजविराज स्थित सिरहा रोडमा डोजर चल्यो, अतिक्रमित संरचना भत्काइदै

राजविराज, २१ साउन । हुलाकी सडक अन्तर्गत सिरहा रोड फराकिलो गर्न अतिक्रमण गरी बनाएको संरचना खाली गर्न राजविराज नगरपालिकाले आइतबार आज डोजर लगाएर भत्काउन सुरु गरेको छ ।

राजविराज नगरपालिका वडा नं. ६ र ७ मा पर्ने सिरहा रोडस्थित हुलाकी राजमार्गको दायाँ बाँया ९/९ मिटर जग्गा खाली गराउन आइतबार डोजर चलाएको हो ।  वडा कार्यालय ६ र ७ तथा राजविराज नगरपालिकाले ७ दिन अघि नै सूचना जारी गर्दै सिरहा रोडको दायाँ बायाँ ९/९ मिटर जग्गामा रहेका भौतिक संरचना हटाउन समय सिमा शनिवार सकेपछि  डोजर लगाएर सडक बिस्तार गर्दै छ ।

नगरपालिकाले आइतबार बिहानैबाट डोजर लगाएर मूल सडकको दायाँ बायाँ ९/९ मिटरमा बनाइएको भौतिक संरचना हटाउने तयारी पूरा गरिसकेको जनाएको छ । 

नगरपालिकाले भने आइतबार बिहानैदेखी संरचना हटाउने र कुनै पनि हालतमा पछि नहट्ने जनाइएकी थिइन । कार्यवाहक नगरप्रमुख इसरत परबिनले पूर्वसूचना अनुसार आइतबार बिहानैदेखी संरचना भत्काउने काम सुरु गरेको बताइनँ ।

हुलाकी सडक निर्माण गर्नका लागि राजविराज नगरपालिकाको वडा ६ र ७, राजरंगशाला र कंचनपुर रोड भएर सिरहा रोड हुने गरि नक्सांकन भइसकेको छ ।