पाकिस्तानमा हुने भेट्रान क्रिकेटमा मधेश प्रदेशका ३ खेलाडी चयन

राजविराज । नेपालले पाकिस्तानमा हुने भेट्रानको ग्लोबल कप क्रिकेट प्रतियोगितामा मधेश प्रदेशका तीन जना भेट्रान खेलाडी छनोट भएका छन ।

पाकिस्तान भेट्रान्स क्रिकेट संघको आयोजनामा सेप्टेम्बर १८ देखि अक्टोबर २ सम्म कराँचीमा हुने प्रतियोगितामा ४० वर्षमाथिका खेलाडीले प्रतिस्पर्धामा उनीहरू पर्न सफल भएका हुन । पर्साका पुर्व राष्टिय खेलाडी तथा भेट्रान मुर्तुजा हवारी, बाबुजान अन्सारी र र वाराका समीर थापा चयन भएको हो ।

प्रतियोगितामा नेपालसहित आयोजक पाकिस्तान, अस्ट्रेलिया, वेस्ट इन्डिज, यूएई, अमेरिका, क्यानडा र हङकङको गरी ८ राष्ट्रका भेट्रान टोलीले प्रतिस्पर्धा गर्नेछन् ।

राउन्ड रोबिनका आधारमा हुने खेलको शीर्ष चार टोली सेमिफाइनलमा पुग्दा पुछारका चार टोलीले प्लेअफ छनोट खेल्नेछन्  । ४५ ओभरमा हुने प्रतियोगिताका सबै खेल पिंक बलमा खेलिने छ । किरण राणाको कप्तानीमा नेपालले पाकिस्तानमा हुने भेट्रानको ग्लोबल कप क्रिकेट प्रतियोगिता हुनेछ।

नेपाली टोलीमा किरणसँगै उदयबहादुर थापा, विकास सिंह, सन्तोष भण्डारी, सजल देवकोटा, समिर थापा, रामनरेश यादव, रविन यादव, बाबुजन अन्सारी, मुर्तुजा हवारी, सञ्जय श्रेष्ठ, विनित बाँस्तोला, काशीराम भुसाल, सुमन उदय र खिमबहादुर थापा छन् । टोली व्यवस्थापकमा कर्णवीर थापा क्षेत्री छन् । नेपालका अम्पायर रवीन्द्र गुप्ताले अम्पायरिङ गर्नेछन् ।

पाकिस्तानबाट शहिद अफ्रिदी, मिसबाह उल–हक, अब्दुल रज्जाक, मोहम्मद सामी, हसन राजा, तारिक हारुन, खुराम अली खान, वकास अहमद, अब्दुल कादिर, मोहम्मद रिजवान अस्लाम, कासिम सिद्दिकी, मोहम्मद इल्याज, अफजल शाह, अमजद अली, इमरान अली, तासाबार अब्बास, एडनान रइज र जुनैद खलिल छन्  ।

सेप्टेम्बर १९ मा हङकङसँग खेलेर प्रतियोगिता सुरु गर्ने नेपालले त्यसको भोलिपल्ट पाकिस्तानसँग खेल्नेछ । नेपालले सेप्टेम्बर २२ मा यूएई, २४ मा क्यानडा, २५ मा वेस्ट इन्डिज, २७ मा अमेरिका र २८ मा अस्ट्रेलियासँग खेल्ने छ  ।