राजविराजको पाराडाइज क्याम्पसमा स्वागत तथा अभिमुखीकरण कार्यक्रम सम्पन्न

राजविराज, ५ असोज । पाराडाइज क्याम्पस राजविराजले शुक्रवार क्याम्पसमा स्वागत तथा अभिमुखीकरण कार्यक्रम सम्पन्न गरेको छ ।

प्रिन्सिपल राम नारायण यादवको अध्यक्षता तथा मधेश प्रदेशका शिक्षा तथा समाजकल्याण मन्त्री महेश प्रसाद यादवको प्रमुख आतिथ्यमा कार्यक्रम सम्पन्न भएको छ ।

कार्यक्रममा सम्बोधन गर्दै मन्त्री यादवले मधेश प्रदेशको सामुदायिक विद्यालयको शिक्षा स्तर सुधार गर्ने तर्फ लागि परेको बताए । उनले तीनै तहका सरकार मिलेर शिक्षा क्षेत्रलाई बलियो बनाउनका लागि निर्णायक छलफल गरि अगाडि बढाउने बताउँदै  यसका लागि गुरुयोजनाको तयारी गरिएको जानकारी दिए ।

कार्यक्रममा समाजमा विशेष योगदान पुर्याउने व्यक्तिहरूलाई क्याम्पसले सम्मान गरेको छ । पूर्व प्रअ भागवत यादव, फुलेश्वर मण्डल, नथुनी दास, महिनारायण यादव, राजविराज नगरपालिका वडा नम्बर २ को वडा अध्यक्ष अरुण यादव, प्रेस सेन्टर मधेश प्रदेशका महासचिव गोपाल प्रसाद गुप्ता, युवा पत्रकार विन्दु कुमार यादव लगायतकाहरुलाई दोसला ओढाएर सम्मान गरेका छन् ।

उक्त कार्यक्रममा पूर्व प्रअ भागवत यादव, वडा अध्यक्ष अरुण यादव, पाराडाइज कलेजको प्रोफेसर उमेश कुमार यादव, डा. शिव नारायण यादव, नथुनी दास, युवा पत्रकार विन्दु कुमार यादव लगायतकाहरुले शुभकामना व्यक्त गरेका थिए ।

क्याम्पसले कक्षा ११ मा भर्ना भएकालाई स्वागत गरेका थिए भने कक्षा १२ को इन्ट्रान्समा उत्कृष्ट अंक ल्याउने एक दर्जन भन्दा बढी छात्र छात्राहरूलाई प्रमाण पत्र र मेडल बाट सम्मान गरेका थिए ।