कोशी अस्पतालको शौचालयमा नवजात शिशु मृत फेला

विराटनगर । कोशी प्रदेशको राजधानी विराटनगर स्थित कोशी अस्पतालको शौचालयमा एक नवजात शिशु मृत फेला परेको छ ।

अस्पतालको मेडिकल वार्डको शौचालयमा शनिबार बिहान नवजात शिशु मृत फेला परेको हो । अविवाहित युवतीबाट जन्मेको शिशु शौचालयमा फालिएको हुनसक्ने आशंका गरिएको छ ।

घटनाको विषयमा अनुसन्धान भइरहेको जिल्ला प्रहरी कार्यालय मोरङका प्रवक्ता डीएसपी रन्जनकुमार दाहालले जानकारी दिए ।