दशैँ, तिहार लक्षित गरी नागरिक यात्रु सहायक कक्ष स्थापना

राजबिराज । दशैँ, तिहार लाई लक्षित गरी राजबिराजमा जिल्ला प्रहरी कार्यालयले नागरिक सहायता कक्ष स्थापना गरिएको छ ।

राजबिराज स्थित रुपनी मोडमा सप्तरीका प्रमुख जिल्ला अधिकारी किरण थापाले रिबन काटेर उद्घाटन गरिएको हो । सवारी दुर्घटना न्यूनिकरण गर्न सहायता कक्ष स्थापना गरिएको प्रहरी नायब उपरीक्षक ढुण्डीराज न्यौपानेले जानकारी दिए ।

राजबिराज सहित जिल्लाको तिलाठी, सखडा, बेल्ही, पातो, कंचनपुर, भारदह, फतेपर,  शंभुनाथ, कल्याणपुर, कदमाहामा नागरिक सहायक कक्ष स्थापना गरिएको छ । आवश्यकता अनुसार जिल्लाको अन्य ठाउँहरूमा नागरिक सहायक कक्ष स्थापना गर्न प्रहरी उपरीक्षक गजु सिद्दी बज्राचार्यले बताए ।