सप्तरीमा झुन्डिएको अवस्थामा युवकको शव फेला

राजविराज । सप्तरीको रुपनीमा एक युवकको शव फेला परेको छ । रुपनी गाउँपालिका–६ को तेरहौतामा सोमबार झुन्डिएको अवस्थामा युवकको शव फेला परेको हो ।

स्थानीय उत्तिमलाल साहको छोरा संतोष साहको शव फेला परेको हो । घरदेखी ८ सय मिटर पश्चिम आँप बगैंचामा डोरिको पासो लगाएर झुन्डिएको अबस्थामा साहलाई मृत भेटिएको प्रहरीले जनाएको छ ।

श्रीमति सित केहि समयदेखि सम्बन्ध विग्रीएको कारण आइतबार राती गाउँका अगुवाहरुबाट श्रीमतीकै विषयमा दुर्व्यवहारमा समेत परेपछि तनावमा आएर आत्महत्या रोजेको हुनसक्ने आशंका स्थानीय बासीको छ । मृत्क साह  वैदेशिक रोजगारीबाट ४-५ महिना अगाडि मात्र घर आएका थिए ।

यता घटना वारे थप अनुसन्धान भइरहेको प्रहरीले जनाएको छ ।