भूकम्प अपडेट : जाजरकोट र रुकुममा गरी ५४ जनाको ज्यान गएको पुष्टि

स्पतरी । जाजरकोट केन्द्रबिन्दु बनाएर गएको भूकम्पमा परेर ५४ जनाभन्दा बढीको मृत्यु भएको  छ । ६ दशमलव ४ रेक्टर स्केलको भूकम्पमा परेर धेरै जना घाइते भएका छन् ।

कर्णाली प्रदेश प्रहरी प्रमुख डीआईजी भीमप्रसाद ढकालले अनुसार बिहान ५ बजेसम्म प्राप्त विवरणअनुसार ५४ जनाको ज्यान गएको र ४६ जना घाइते भएको पुष्टि भएको छ ।

जाजरकोटमा मात्रै ३४ जनाको ज्यान गएको छ । ८ जना गम्भीर घाइतेलाई उपचारको लागि सुर्खेत पठाइएको र २१ जनाको जिल्ला अस्पतालमा उपचार भैरहेको खबर छ ।  जाजरकोटको नलगाढ नगरपालिकाकी उपमेयर सरिता सिंहको पनि ज्यान गएको छ ।

भूकम्पबाट भएको अरु क्षतिको बारेमा विवरण सङ्कलन भइरहेको प्रहरीले जनाएको छ । भूकम्पबाट धेरै घर भत्किएको अनुमान छ । रातिको समय भएकाले यकिन विवरण सङ्कलनमा कठिनाइ भएको जिल्ला प्रशासन कार्यालयले जनाएको छ ।