राष्ट्रिय अंपायर तथा स्काेररहरूलाई क्षमता अभिबृद्विका लागी रिफ्रेसर कोर्स

काठमान्डाै । राष्ट्रिय अंपायर तथा स्कोररहरुको क्षमता अभिवृद्धिका लागि दुई दिने रिफ्रेसर कोर्स काठमाण्डौमा सुरु भएको छ ।

शुक्रवार क्रिकेट अंपायर स्कोरर एशोसियसन नेपाल (कुसान)कोे आयोजना तथा नेपाल क्रिकेट संघ (क्यान) को सहयोगमा उक्त रिफ्रेसर कोर्स सुरु भएको हो ।

उक्त कार्यक्रमलाई क्यानका अध्यक्ष चतुराबहादुर चन्दले एक कार्यक्रमका बिच उद्घाटन गर्दै  नेपाली राष्ट्रिय अम्पायरहरूलाई यस प्रकारका प्रशिक्षणले उनीहरूको क्षमता बढाउन सहयोग पुग्ने बताए ।

प्रतियोगितामा सहभागि हुने अम्पायरहरू उनीहरूको क्षमता बढाउने तथा उनीहरूलाई अन्तर्राष्ट्रिय प्रतियोगितामा सहभागिताका लागि कुसानले गरेको सिफारिस आधारमा अन्तर्राष्ट्रिय सहभागितामा पठाउन क्यानले पहल गर्ने उनले बताए ।

क्यानले आगामी दिनमा कुसानको सहकार्यमा यस प्रकारका कार्यक्रमहरूलाई योजनावद्ध रुपमा अघि बढाउने उनको भनाई थियो ।

उद्घाटन कार्यक्रममा कुसान नेपालका अध्यक्ष सत्यजित सरकार, कोषाध्यक्ष हिमालराज गिरी र सचिव मनोहर अधिकारीले समेत आफ्ना भनाई राखेका थिए ।

भोलि सम्म सञ्चालन हुने उक्त कार्यक्रममा बुद्धि बहादुर प्रधान, विनय कुमार झा, दुर्गानाथ सुवेदी र समिर खानले प्रशिक्षण दिने कार्यक्रम तय भएको छ ।

त्यसै गरि सहभागीहरूलाई क्रिकेटका भिडियो विशेषज्ञ रमन सिवाकोटीले समेत प्रशिक्षण दिनेछन् ।

प्रशिक्षणमा सात प्रदेशका ७१ जना अम्पयारहरुको सहभागिता रहेको मधेश प्रदेश एम्पायर तथा स्काेरर संघका संयोजक निरज सिँहले जानकारी दिए।