उच्च अदालत जनकपुर राजविराज इजलास बार एशोसिएशनको निर्वाचन हुदै

राजविराज । उच्च अदालत जनकपुर राजविराज इजलास बार एशोसिएशनको नयाँ कार्यसमितिको लागि आज शनिबार निर्वाचन हुँदैछ ।

नयाँ कार्यसमितिका लागि निर्वाचनमा बृहत लोकतान्त्रिक समावेशी तथा पेशागत समूह र गणतान्त्रिक प्रगतिशील तथा पेशागत एवं समावेशी कानुन व्यवसायी समूह बीच प्रतिस्पर्धा हुने भएको छ ।

बृहत लोकतान्त्रिक समावेशी तथा पेशागत समूह हरेराम यादवको नेतृत्वमा तथा गणतान्त्रिक प्रगतिशील तथा पेशागत एवं समावेशी कानुन व्यव्सायी समूह बलराम सिंहको नेतृत्वमा प्यानल बनाएर उम्मेदवारी दिएका छन् ।

निर्वाचन आज शनिबार बिहान ९ बजेदेखि शुरु भएको छ । दिउँसो ३ बजेसम्म जारी रहने निर्वाचन समितिले जनाएको छ । एशोसिएशनमा २०३ जना मतदाता छन् ।