उच्च अदालत बार एशोसिएसनका नव निर्वाचित कार्यसमितिको शपथग्रहण तथा पदस्थापन सम्पन्न

राजबिराज । नेपाल बार एशोसिएसन राजबिराज उच्च अदालत बार एशोसिएसनका नव निर्वाचित कार्यसमितिको शपथग्रहण तथा पदस्थापन एवं कार्यकारिणी पार्षद् सदस्यको प्रमाणपत्र बितरण कार्यक्रम सम्पन्न गरेको छ ।

शुक्रवार एक कार्यक्रम बिच उच्च अदालत जनकपुर राजबिराज इजलासका मुख्य न्यायाधीश वामदेव ज्ञवाली ,निर्वाचन अधिकृत धिरेन्द्र कुमार यादब, राजबिराज बारका अध्यक्ष भरत यादब लगायतले निर्वाचित पदाधिकारीहरूलाई प्रमाण प्रदान सँगै शपथ ग्रहण तथा पदस्थापन गराएको छ ।

गत पुष १४ गते सम्पन्न उच्च अदालत बार एशोसिएसन राजबिराजको अध्यक्षमा लोकतान्त्रिक कानून व्यवसायी समूहका कानुन व्यवसायी हरेराम यादव बिजयी भएको थियो ।

उनी प्रगतिशील पेशागत समावेशी कानून व्यवसायी समुहका तर्फबाट उम्मेदवार बनेका बलराम सिंहलाई १७ मतले पराजित गरेका थिए ।

लोकतान्त्रिक कानून व्यवसायी समूहबाट उपाध्यक्ष धमेन्द्र यादव र कोषाध्यक्षमा उमाशंकर देव निर्वाचित भएका थिए ।

सोही प्यानलबाट सदस्यहरूमा डा. संतोष कुमार चमन यादव, दिनेश कुमार सिंह, डा. शिव नारायण यादव, रामचन्द्र मण्डल, राज कुमार साह, नित्यदेव प्रसाद यादव, किसुन देव ठाकुर र कौशल किशोर दत्त निर्वाचित भए ।

यस्तै प्रगतिशील पेशागत कानुन व्यवसायी समूहबाट सचिवमा दानो कुमारी चौधरी र सदस्यमा राजकुमार टरैत निर्वाचित भएका थिए ।

यसैगरी केन्द्रिय पार्षद् पदमा डा. देव नारायण यादव, रणधिर कुमार कर्ण अशोक कुमार झा, बलवीर चौधरी, बालकृष्ण ढुंगाना, मिथलेश चन्द्र लाभ, गुञ्जेश्वर प्रसाद यादव, राम नारायण देव र भुप नारायण यादव निर्विरोध निर्वाचित भएका थिए ।