शहिद साकेतकाे सम्झनामा तिलाठीमा अन्तरराष्ट्रिय कुस्ती सुरू

राजबिराज । सप्तरीको तिलाठी कोइलाडी गाउँपालिका-१ तिलाठीमा सहिद साकेत चन्द्र मिश्रकाे सम्झनामा कुस्ती (दगंल) प्रतियोगिता सुरू भएकाे छ ।

तिलाठीको पाठशाला प्रागंणमा शुक्रबारबाट सुरु भएको कुस्ती तीन दिन सम्म चल्नेछ। खेल प्रत्येक दिन दिउँसो १ बजेबाट हुनेछ ।

आइतबार कुस्तीको फाइनल खेल हुने रहेको समितिले जनाएको छ । प्रतियोगितामा नेपाल तथा भारतको २० जोडी पहलवानले प्रतिस्पर्धा गर्नेछन् ।

तिलाठीमा प्रत्येक वर्ष सरस्वती पूजाको अवसरमा पाँच दिने मेला आयोजना हुने गर्छ । जसमा कुस्ती कार्यक्रम, जिल्ला स्तरीय नृत्य, रात्रीकालिन नाटक तथा सांस्कृतिक कार्यक्रमहरू आयोजना हुने गर्छ ।