चन्दन यादब 
राजबिराज । तिलाठीकोईलाडी गाउपालिका अध्यक्ष अरुण कुमार मण्डलले युवाहरूलाई कुलतबाट जोगाउन युवा संजाल सक्रिय र क्रियाशील हुनुपर्नेमा जोड दिएका छन ।
सोमवार सबल नेपालको आयोजनामा तथा युएसएआइडीको सहयोगमा नागरिक, समाज तथा संचार कार्यक्रम अन्तर्गत युवा संजालको दुई दिने क्षमता विकास तालिमको समापन्न कार्यक्रममा सो कुरा बताएको हो ।
उनले भने अहिले युवाहरू कुलतको बाटो अँगाल्ने गरेको बताउँदै उनले भने,’ समुदायमा कुलतमा लागेका युवाहरूलाई खेलकुदको माध्यमबाट जोगाउन सकिने बताए । युवाहरू आफ्नो अधिकार सँगै सकारात्मक रूपमा समाजको विकास गर्न अगाडि बढेमा पालिकाले सक्दो सहयोग गर्ने प्रतिबद्धता गरे ।
अध्यक्ष मण्डलले तिलाठी कोईलाडी गाउपालिका भित्र मदिरा पसल संचालन गर्नका लागी अनुमति दिने कार्य बन्द गरेको र लागू औषध बिक्री बितरण गर्न समेत कठाई गरेको बताए । समुदायको विकृति, विसङ्गति र महिला हिंसा तथा स्वक्षता अभियान संचालन गर्न जनचेतना मूलक कार्यक्रम गर्नका लागी युवा संजाललाई आवश्यक सहयोग गर्न तयार रहेको प्रतिबद्धता गरेका छन् ।
युवाहरूले अनुशासनमा रहेर निरन्तर समुदायको दिगोपना कायम राख्न सक्ने उनको भनाई छ । ‘राम्रो प्रतिभा देखाउनका निम्ति अनुशासनमा रहँदै मिहिनेत गरिरहनुपर्छ’ उनले भने । उनले क्रिकेट खेलको विकासका लागि पालिका तत्पर रहेको समेत बताए ।
उक्त समापन कार्यक्रममा तिलाठी कोईलाडी गाउपालिका वडा- १ का अध्यक्ष दिनेश्वर मिश्र, वडा- २ का अध्यक्ष कमल मण्डलले मन्तव्य दिएका थिए । उक्त तालिमको सहजिकरण सामाजिक अभियन्ता परमेश्वर झा र शुभनारायण भिनवार यादबले सहजिकरण गरेका थिए ।
समापन कार्यक्रममा जिल्ला युवा संजालका अध्यक्ष त्रिवेणी यादब, जिल्ला सदस्य कंचन कुमारी यादब, तिलाठी कोइलाडी गाउपालिका स्तरीय युवा संजालका अध्यक्ष सुशील कुमार मण्डल लगायतले बोलेका थिए, भने तालिममा ३० जनाको सहभागिता रहेको थियो ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |