इन्टर हब महिला क्रिकेट प्रतियोगिताको उपाधि महोत्तरीको कब्जामा

राजबिराज । राजबिराजमा संचालित इन्टर हब  टि- ट्वान्टी महिला क्रिकेट प्रतियोगिताको उपाधि महोत्तरीले हात पारेको छ ।

सप्तरी क्रिकेट सँघको समन्वयमा सबल नेपाल द्वारा संचालित तथा एमसिसी फाउन्डेशन र सिडब्लुबीको सहयोगमा आयोजित सप्तरी र महोत्तरी बिच भएको फाइनल खेलमा महोत्तरीले सप्तरीलाई १४ रनले पराजित गर्दै उपलब्धि हात पारेको हो ।

टस जितेर महोत्तरीले २० ओभरमा १ बिकेटको क्षतिमा १ सय ४१ रनको योगफल खडा गरेका थिए । जसमा शिवानी साहले सर्वाधिक ६८ रन बनाउदै अविजित रहेका थिए । यसैगरी रोेजी कडारी ३९ रन बनाउदै अविजित रहँदै टिमका लागि रन जोडेका थिए । यता सप्तरीका बलर बन्दना रजकले १ बिकेट लिएका थिए । 

जवाफमा सप्तरीले २० ओभरमा ६ बिकेट गुमाएर १ सय २७ रन मात्र बनाउन सकेका थिए । जसमा सुमिन्त्रा यादबले ३७ रन, दिपा राम २० रन अविजित तथा निसु चौधरीले १८ रन बनाएपनि उपाधि जित्न सफल भएन । यता बलिंग तर्फ महोत्तरीका गोमा मगर र रोजी कडारी २/२ बिकेट तथा शिवानी साहले १ बिकेट हात पारेका थिए । फाइनल खेलका म्यान अफ दि म्याच शिवानी साह घोषित भएका थिए ।

उक्त प्रतियोगितामा प्लेयर अफ दि सिरिज साक्षी यादब, बेस्ट बलर बन्दना रजक वेस्ट ब्याटर सिवानी साह घोषित भएका थिए।

उक्त अवसरमा मधेश प्रदेश सरकारका पुर्व मन्त्री महेश प्रसाद साह, सबल नेपालका अध्यक्ष जुना गिरी, सप्तरी क्रिकेट सँघका उपाध्यक्ष निरज सिँह, सचिव चन्दनकुमार यादब सदस्यद्वय  संजय कार्की, डम्बर नारायण दास, प्रतियोगिता संयोजक आशिष गुप्ताले विजेता, उपविजेतालाई शिल्ड, कप, मेडल प्रमाणपत्र प्रदान गरेका थिए ।