सोसाइटी वेलफेयर मिशन सहकारीको साधारण सभा सम्पन्न, अध्यक्षमा पुन: साह

राजविराज । सोसाइटी वेलफेयर मिशन बहुउद्देश्य सहकारी संस्था लिमिटेड विष्णुपुर-६ गोरगमाले शनिवार आफ्नो प्रथम साधारण सभा सम्पन्न गरेको छ ।

संस्थाको प्रथम अधिबेशन बाट अध्यक्षमा पुन: रामअधिन साह, उपाध्यक्ष वन्दना प्याकुरेल, सचिव मुकेश राय, कोशाध्यक्षमा श्रीमती रेणु देबी राय निर्विरोध निर्वाचित भएका छन ।

यसैगरी सदस्यहरूमा बिष्णु देव साह, कारी यादव, बीना देबी राय, अनिता देबी राय अमात र कमल बती देबी राय निर्वाचित भएका छन भने ऋण समिति संयोजकमा शिवनन्दन यादव र लेखा समिति संयोजकमा रिंकु देबी राय निर्विरोध निर्वाचित भएको समितिको नब निर्वाचित सचिव मुकेश रायले जानकारी गराएको छ ।

कार्यक्रमका प्रमुख अतिथि विष्णुपुर गाउ पालिका अध्यक्ष उमेश प्रसाद यादवले यस संस्थाको कार्यालय सञ्चालनको लागी १ लाख रुपैयाँ अनुदानका घोषणा गर्दै अझै पनि महिलाको लागी कार्यक्रमहरू दिने प्रतिबद्धता समेत व्यक्त गरेका छन ।

सो अवसरमा विष्णुपुर गा.पा कृषि अधिकृत सन्त कुमर मण्डलले यस संस्थामा रहेका महिला शेयर धनीले सङ्कलन गरेको रकमको सरहाना गर्दै कृषि कार्यक्रमहरू पनि यस संस्था मार्फत दिनको लगी गा.पा अध्यक्षलाई आग्रह गरेका छन ।

कार्यक्रममा जसपा गा.पा सचिव राजेश राय, बिष्णुपुर-६ वड़ा सदस्य द्वय बिरेन्द्र ठाकुर र रंजन कुमारी रायले शुभकामना मन्तन्य राखेका थिए ।

२०७८ सालमा ३० जनाको तीस हजारको शेयर लगानीबाट सुरु भएको संस्था २०८१ साल माघ मसान्त सम्ममा १४ लाख शेयर बचत तथा ३ लाख ७९ हजार बचत रकम गरी १७ लाख ७९ हजारमा पुगेको अध्यक्ष साहले जानकारी गराए छन ।