राजबिराज । कंचनरूप नगरपालिका द्वारा संचालित मेयर कप दोस्रो सिजनको खेलमा राजबिराज नगरपालिकाले बोदेबरसाईनलाई ५ बिकेट पराजित गर्दे बिजयी भएको छ भने छिन्मस्ताले रूपनीलाई १८ रनले पराजित गर्दै बिजयी भएको हो ।
आइतबार बोदेबरसाईनले दिएको ८१ रनको लक्ष्य राजबिराजले ९ ओभर ५ बलमा ५ बिकेट गुमाएर बिजयी भएको हो । टिमलाई जिताउन भिम यादबले उत्कृष्ट ब्याटिंग गर्दै ४४ रनको पारी खेलेपछि जित सहज भएको हो ।
यसैगरी प्रियान्सु कर्ण १६ रन र बिजय यादबले अविजित १० रन जोडेका थिए । यता बलिंग तर्फ बोदेवरसाईनका राजिव याादबले २ बिकेट लिएका थिए ।
टस जितेर बोदेवरसाईन नगरपालिकाले निर्धारित १२ ओभरको खेलमा ४ बिकेट गुमाएर ८२ रनको योगफल खडा गरेका थिए । जसमा गौरब साहले २३ रन अविजित रोशन यादबले २२ रन तथा आर्दश यादबले १६ रन अविजित खेलेका थिए ।
बलिंग तर्फ राजबिराजका जितेन्द्र यादब २ बिकेट तथा बिजय यादब र सुशान्तले १/१ बिकेट हात पारेका थिए । खेलको प्लेयर अफ दि म्याच भिम यादब घोषित भएको आयोजक समितिका आकाश गुप्ताले जानकारी दिए ।
छिन्नमस्ता गाउपालिका बिजयी
यसैगरी आजै सम्पन्न दोेस्रो खेलमा छिन्मस्ता गाउपालिकाले रूपनी गाउपालिकालाई १८ रनले पराजित गर्दै बिजयी भएको छ ।
छिन्मस्ताले दिएको १ सय ३८ रनको लक्ष्य रूपनीले निर्धारित १६ ओभरको खेलमा ७ बिकेट गुमाएर १ सय २० रन मात्र बनाउन सकेका थिए ।
यता बलिंग तर्फ छिन्मस्ताका गुणानन्द राय र रितिक यादबले २/२ बिकेट तथा रेबति राय, संजिव यादब, छेत्री रायले १/१ बिकेट लिएका थिए ।
रूपनीले टस जितेर छिन्मस्तालाई ब्याटिंग गर्न दिए पछि निर्धारित १६ ओभरमा १ सय ३८ रन बनाएका थिए । जसमा रमेश यादबले उत्कृष्ट ब्याटिंग गर्दै ६८ रन बनाएपछि ठुलो स्कोर गर्न सफल भएको थियो, यसैगरी रबिन यादबले पनि ३७ रन जोडेका थिए ।
बलिंग तर्फ रूपनीका अभिषेक दास ३ बिकेट, अनोज यादब २ बिकेट तथा अशोक मेहता र अभिषेक साहले १/१ बिकेट लिएका थिए । खेलको प्लेयर अफ दि म्याच रमेश यादब घोषित भएको थियो ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |