राजविराज । सप्तरीको राजविराजमा भएको आगलागीबाट लाखौको क्षति हुन पुगेको छ । राजविराज नगरपालिकाको वडा नम्बर ६ खर्साल टोलमा सोमबार दिउँसो भएको आगलागीबाट एक फर्निचर उद्योग र तीन वटा घर जलेर नष्ट भएको हो ।
स्थानीय दुबीलाल यादवको घरमा विद्युत सर्ट भई लागेको आगोले उनको तीन घर र छिमेकी सुरेश शर्माको फर्निचर उद्योग समेत जलेर नष्ट भएको छ ।
दुबीलालको घरसहित नगद रु ५० हजार गरगहना, लत्ताकपडा, खाद्यान्न सबै जलेर नष्ट भएको छ भने छिमेकी सुरेश शर्माको फर्निचर उद्योगमा राखिएका लाखौको काठ र फर्निचर तथा काठ चिरान गर्ने दुई वटा मेसिन समेत जलेर नष्ट भएको प्रहरीले जनाएको छ ।
प्रहरीका अनुसार शर्माको रु. ४ लाखभन्दा बढी र यादवको रु. ८ लाखभन्दा बढीको सम्पत्ति आगोमा जलेर नष्ट भएको छ । आगोलाई स्थानीय बासिन्दा, प्रहरी र दमकलको सहयोगमा निभाइएको छ ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |