सप्तरीमा एसईईको पहिलो दिनको परीक्षा मर्यादित र शान्तिपूर्ण

राजबिराज । माध्यमिक शिक्षा परीक्षा (एसईई) परीक्षामा सप्तरी जिल्लाको पहिलो दिनको अङ्ग्रेजी परीक्षा शान्तिपूर्वक सम्पन्न भएको छ ।

बिहीवार बिहान ८ बजे देखि संचालन अनिवार्य अङ्ग्रेजी विषयको परीक्षा मर्यादित र शान्तिपूर्वक सम्पन्न भएको शिक्षा विकास  तथा समन्वय इकाई कार्यालय सप्तरीका प्रमुख शशी कुमार यादबले बताए ।

यता सप्तरी प्रमुख जिल्ला अधिकारी भोला दाहालले एसईई परिक्षाको स्थलगत अनुगमन गर्दै परीक्षालाई मर्यादित व्यवस्थित, निष्पक्ष, भयरहित र शान्तिपूर्ण वातावरणमा सम्पन्न गर्न सरोकारवाला सबैमा निर्देशन समेत दिएको छ । प्रजिअ दाहालको टोलीले राजबिराज स्थित पविमाबि, राजदेवी माबि, लबनमावि बभनगमाकट्टी, महाबिर माबि हनुमानगर परीक केन्द्रको निरीक्षण तथा अनुगमन गर्नु भएको छ ।

यसैगरी शिक्षा विकास तथा समन्वय ईकाई सप्तरी प्रमुख शशी कुमार यादब,  सप्तरी प्रहरी प्रमुख ढकेन्द्र खतिवडा, राष्ट्रिय अनुसन्धान कार्यालय प्रमुख सुरेन्द्र कोईराला, ससश्त्र प्रहरी उपरीक्षक ज्ञानमणी पोखरेल सहितको नेतृत्वमा जिल्लाको बिभिन्न परीक केन्द्रको अनुगमन तथा निरिक्षण गर्दै परिक्षालाई थप मर्यादित बनाउन केन्द्राध्यक्षहरूलाई आबश्यक निर्देशन समेत दिएको छ ।

सप्तरी प्रहरी प्रमुख ढकेन्द्र खतिवडाले एसईई पहिलो दिनको परीक्षा शान्तिपूर्ण भएको बताएका छन । एक सय ४२ विद्यालयबाट आठ हजार ७ सय १५ जना विद्यार्थी सहभागी भएका छन । सहभागी मध्ये साधारण तर्फबाट सात हजार ८ सय ४८, प्राविधिकतर्फ तीन सय ९ र ग्रेडबृद्धि तर्फबाट, ५ सय ५८ विद्यार्थी सहभागी हुने भएको सप्तरीका शिक्षा विकास तथा समन्वय एकाइ प्रमुख शशि यादवले जानकारी दिए ।

जिल्लाको ३७ वटा परीक्षा केन्द्रका लागि ३७ जना केन्द्राध्यक्ष,४७ जना सहायक केन्द्राध्यक्ष, चार सय ३४ जना निरीक्षक, ६७ जना परीक्षा सहायक, पाँच सय ५५ जना सुरक्षाकर्मी,एक सय ६२ जना कार्यालय सहयोगी गरी जम्मा एक हजार ३ सय २ जना कर्मचारी परीक्षामा खटिएको मुख यादवले बताए ।

जिल्लाका ९० सामुदायिक विद्यालय र ५२ संस्थागत विद्यालयका विद्यार्थी परीक्षामा सहभागी छन । बिहान ८ बजे देखि ११ बजेसम्म मुलुकभर एकसाथ एसइई परीक्षा सुरू भएको छ ।