मलेठबाट बरामद भएको गाँजा प्रहरीद्वारा आगो लगाएर नष्ट 

राजबिराज । सप्तरी प्रहरीले २४ क्विन्टल १९.५ किलो गाँजा नष्ट गरेको छ । फागुन १९ गते राजविराज नगरपालिका- ९ मलेठ स्थित राजनारायण शाहको जग्गामा रहेको गोदामबाट उक्त गाँजा बरामद भएको थियो ।

शुक्रवार जिल्ला प्रहरी कार्यालय सप्तरीले राजविराज नगरपालिका– १३ देउरीभरुवा स्थित खाँडो खोलामा सरोकारवालाको रोहबरमा उक्त गाँजा नष्ट गरेको एसपी ढकेन्द्र खतिवडाले जानकारी दिए ।

गाँजालाई पुरेर नष्ट गर्दा निकालेर लैजाने सम्भावना भएकाले जलाएर नष्ट गरिएको उनले बताए । 

गाँजा बरामद गरिएको घटनामा थप अनुसन्धान भइरहेको बताउँदै उनले भने, ‘नियन्त्रणमा लिइएका व्यक्तिले दिएको बयानका आधारमा अनुसन्धान भइरहेको छ ।