चन्दन यादब 
राजबिराज । सप्तरी क्रिकेट सँघको समन्वयमा तीन दिने मधेश प्रदेशस्तरीय जिरो लेभल अम्पायर तथा स्कोरर तालिमको आयोजना गरिएको छ ।
शनिवार राजबिराजमा सबल नेपालको आयोजनामा मधेश प्रदेश क्रिकेट सँघको समन्वय र सिडब्लुबी परियोजना तथा क्रिकेट फोर इक्विलिटी कार्यक्रम अन्तर्गत प्रदेशस्तरीय अम्पायर तथा स्कोरर तालिमको आयोजना गरिएको हो ।
उक्त अवसरमा अन्तराष्ट्रिय अम्पायर तथा आईसिसी प्यानल अम्पायर बृद्वि बहादुर प्रधानले क्रिकेट विकासमा टेवा पुऱ्याउनका लागी जनशक्ति उत्पादन आवश्यक रहेकोले तालिमको आयोजना गरिएको बताए ।
उनले भने मधेशप्रदेशको विभिन्न जिल्लामा क्रिकेट प्रतियोगितालाई निष्पक्ष निर्णयको भूमिका निर्वाह गर्नका लागि अम्पायरको महत्वपूर्ण भूमिका रहेको बताए ।
सवल नेपालका बरिष्ठ व्यवस्थापक तथा सप्तरी क्रिकेट सँघका सदस्य अशोक साहले नेपालमा क्रिकेट विकासमा अम्पायरको ठूलो भूमिका रहेकोले क्रिकेट विकासका लागि अम्पायर तथा स्कोरर उत्पादन गर्न उद्देश्यले तालिमको आयोजना गरिएको हो ।
सप्तरी क्रिकेट सँघका सचिव चन्दनकुमार यादबले क्रिकेट प्रतियोगिताहरूमा कुशल अम्पायर तथा स्कोरर अभावका कारण खेलहरू निष्पक्ष हुन नसक्दा समस्या उत्पन्न हुने गरेको अवस्थामा तालिमले कुशल निर्णायक उत्पादन हुने विश्वास व्यक्त गरे ।
कार्यक्रममा मधेश प्रदेशका ८ वटै जिल्लाका २७ जना अम्पायर र स्कोररले सहभागिता जनाएका थिए ।
नेपालका आईसीसी प्यानल अम्पायर बुद्वि बहादुर प्रधान, राष्ट्रिय अम्पायर बासु लाल कर्णले सहभागी प्रशिक्षार्थीहरूलाई प्रशिक्षण दिएका थिए ।
उक्त अवसरमा सप्तरी क्रिकेट सँघका उपाध्यक्ष निरज कुमार सिँह, महोतरी क्रिकेट सँघका कोषाध्यक्ष सैफ अली सप्तरी क्रिकेट सँघका सदस्य राजकुमार दास, रोशन मण्डल, मनोेज साह, संजय कार्की, लगायतको उपस्थिति रहेको थियो ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |