तीन महिने सिलाई कटाई तालिम शुरु

राजविराज । भारतको ७६ औ गणतन्त्र दिवसको उपलक्ष्यमा नेपाल भारत मैत्री संघ शाखा सप्तरी द्वारा संचालित तीन महिने आधारभूत सिलाई कटाई तालिम शुरु भएको छ । 

नेपाल भारत मैत्री संघ शाखा सप्तरी का अध्यक्ष मनोज कुमार मुन्द्राको अध्यक्षता तथा साहित्यकार र समाजसेवी करुणा झाको प्रमुख आतिथ्यमा आइतबार देखि महिलाहरूका लागि नि शुल्क सिलाई कटाई तालिम शुरु गरेका छन् । 

आर्थिक रूपमा कमजोर भएका  २० जना महिलालाई प्रशिक्षण दिई आर्थिक रूपमा सबल र आत्मनिर्भर हुने उद्देश्यका साथ नि शुल्क  तालिमको आयोजना गरेको समाजसेवी झाले वताईन । सिलाई कटाई तालिमपछि ग्राहकको रुचि अनुरूप ड्रेस मेकिङ गर्न सक्ने एक दक्ष प्राविधिक बन्ने भएकाले तालिममा सहभागीहरूलाई मेहनतका साथ तालिममा सहभागि हुन अनुरोध गरे ।

कार्यक्रममा जसपा नेपाल नेत्री पुनम यादव,  सिकन्दर अमात्य, दीपेन्द्र यादव, भोगेन्द्र मिश्र, विनोद यादव लगायतले पनि शुभकामना मन्तव्य दिएका थिए ।