भोजपुरी स्टार दिनेश लाल निरहुआको जीवनमा अधारित ‘अभिनेता से राजनेता’ फिल्म बन्दै

दिनेश लाल यादव उर्फ ​​निरहुआलाई कुनै परिचयको आवश्यकता छैन । उनी आज जुन स्थानमा छन्, त्यो उनको मेहनतको फल मात्र हो । उनले प्रारम्भिक जीवनमा धेरै कठिनाइहरुको सामना गरेका छन तर लामो संघर्षपछि अहिले क्षेत्रीय चलचित्र र राजनीतिमा जनताको मनपर्ने नेता बनेका हुन् । अहिले उनको वास्तविक जीवनमा अधारीत फिल्म बनिरहेको छ, जसमा उनको जीवनका सबै उतारचढाव देखाइनेछ । हालै उनको बायोपिक रिलिज भएको छ ।

भोजपुरी फिल्मको जुबली स्टार भनेर चिनिने अभिनेता तथा भाजपा सांसद दिनेश लाल यादव निरहुआको फिल्म ‘अभिनेता से राजनेता’ बाबा बैजनाथको नगरी देवघरमा शुभारम्भ गरिएको थियो। यस अवसरमा अभिनेता सांसद रवि किशन, गायक अभिनेता सांसद मनोज तिवारी, स्थानीय सांसद निशिकान्त दुबे, अभिनेत्री आम्रपाली दुबे, अभिनेता अमरिश सिंह, दीपक ठाकुर लगायतका धेरै प्रतिष्ठित व्यक्तित्वहरुको उपस्थिति रहेको थियो । लेखक–निर्देशक सन्तोष मिश्राको फिल्मलाई अशोक प्रसाद अभिषेकले आफ्नो प्रोडक्सन हाउस आई इरा फिल्म्सको ब्यानरमा निर्माण गर्दैछन् ।

फिल्ममा निरहुआ, आम्रपाली दुबे र अमरिश सिंहको मुख्य भूमिका रहनेछ । यसको प्रचारक युएनएन मिडिया (उदय भगत) हो । चलचित्र अभिनेताबाट राजनेता बनेको निरहुआको जीवनमा आधारित हुनेछ र उनीसँग सम्बन्धित सबै पक्षलाई पर्दामा देखाइनेछ। निर्माता अशोक प्रसाद अभिषेकको यो पहिलो फिल्म हो । मुख्यतया आईटी क्षेत्रबाट आएका अशोक प्रसाद अभिषेकले निरहुको यात्रा निकै रोमाञ्चक र प्रेरणादायी रहेको बताए । चलचित्रले युवा पुस्तालाई आफ्नो लक्ष्य प्राप्तिका लागि संघर्ष गर्दै अगाडि बढ्न प्रेरित गर्नेछ । अभिनेता अमरिश सिंहले आफ्नो भूमिकाको बारेमा खुलासा नगरेको बताउँदै उनले ठूलो भवनको निबमा मुख्य ढुङ्गाको भूमिका निर्वाह गर्ने बताएका छन् ।