सप्तरीको बलान बिहुल गापा मा विद्यालयको नव निर्मित भवनको शिलान्यास 

सप्तरी, १७ भाद्र । सप्तरीको बलान बिहुल गाउँपालिकाको चन्ही २ मा दुर्गातारा राष्ट्रिय प्राथमिक विद्यालयको निर्माण हुन थालेको नव निर्मित भवनको शिलान्यास गरिएको छ ।

आज वैदिक विधिपूर्वक पूजाआजा गरी गाउँपालिका अध्यक्ष खेमचन्द्र यादवले भवनको शिलान्यास गरेका हुन् ।

भवनको शिलान्यास गर्दै गाउँपालिका अध्यक्ष यादवले शिक्षाको क्षेत्रमा भौतिक पुर्बाधारहरु निर्माणमा गाउँपालिका लागि परेको बताउदै गुणस्तरीय शिक्षा दिन शिक्षक, अभिभावक सबै लाग्नु पर्ने बताए ।

राष्ट्रपति शैक्षिक सुधार कार्यक्रम अन्तर्गत ४ वटा कोठा निर्माण हुन लागेको भवन ३६ लाख मा निर्माण हुन थालेको गाउँपालिकाका निमित्त प्रमुख प्रशासकीय अधिकृत मो. नसिम राईनले बताए ।