सप्तरी क्षेत्र नम्बर १ बाट प्रत्यक्षतर्फ उपेन्द्र यादव सहित ३ जना र समानुपातिकमा ८ जनाको नाम सिफारिस 

राजविराज, १८ भाद्र । सप्तरी निर्वाचन क्षेत्र नम्बर १ बाट प्रत्यक्ष तर्फ जसपा का राष्ट्रिय अध्यक्ष उपेन्द्र यादव सहित ३ जना र समानुपातिकमा ८ जनाको नाम सिफारिस गरिएको छ । 

सप्तरीको कञ्चनपुरमा शनिबार सम्पन्न क्षेत्रीय समितिको बैठकले प्रत्यक्ष तर्फ अध्यक्ष उपेन्द्र  यादव, नवलकिशोर साह र डा. सूर्य नारायण यादवलाई उम्मेदवारका लागि सिफारिस गर्ने निर्णय गरेको छ । 

उम्मेदवारमा सिफारिस भएका साह पार्टीका केन्द्रिय कार्यकारिणी समिति सदस्य एवम् मधेश प्रदेशका सामाजिक विकास मन्त्री हुन भने डा. यादव पार्टीका केन्द्रिय सदस्य एवम् सोही क्षेत्रबाट निर्वाचित सांसद हुन । 

यसैगरी समानुपातिक तर्फबाट  विजुली वति देवी यादव, राम कुमार यादव, रेणु कुमारी नायक, रामेश्वर प्रसाद चौधरी, मन्जु महतो, रामेश्वर यादव, गर्भी परियार र चित्तरञ्जन यादव रहेका छ्न । 

जसपा क्षेत्र नम्बर १ का अध्यक्ष मनोज बहडखेर को अध्यक्षतामा आयोजित बृहत् बैठकमा पार्टीका केन्द्रिय कार्यकारिणी समिति सदस्य एवम् मधेश प्रदेशका सामाजिक विकास मन्त्री नबल किशोर साह, केन्द्रिय सदस्य एवम्  सप्तरी निर्वाचन क्षेत्र नम्बर १ का सांसद डा. सूर्य नारायण यादव, राजनैतिक समिति सदस्य जगदेव यादव, संघीय परिषद सदस्य श्यामदेव यादव, प्रदेश उपाध्यक्ष शम्भु कुमार झा, जितेन्द्र खड्का, कोषाध्यक्ष बृजमान तामाङ, जिल्ला कार्यकारिणी समिति सदस्य रामेश्वर यादवलगायतका पार्टीका जिल्ला समिति सदस्य, पार्टीका पालिका अध्यक्षहरूको उपस्थिति रहेको थियो ।