प्रभु लाइफ इन्स्योरेन्सको व्यवसायिक क्षमता अभिवृद्धि सम्बन्धी कार्यक्रम सम्पन्न

सुनसरी, ९ असोज । प्रभु लाइफ इन्स्योरेन्स कम्पनी लिमिटेड ले आयोजना गरेको अन्डरराइटिङ पोलिसी सर्भिस तथा व्यवसायिक क्षमता अभिवृद्धि सम्बन्धी कार्यक्रम सम्पन्न भएको छ ।

प्रदेश नम्बर १ प्रमुख पुष्कर भट्टराईको अध्यक्षता र कम्पनीका ए जि एम टीका दत्त प्याकुरेलको प्रमुख आतिथ्यमा कार्यक्रम सम्पन्न  भएको हो । 

कर्मचारीहरूको क्षमता अभिवृद्धि सम्बन्धी दुई दिने कार्यक्रममा प्रशिक्षण विभाग प्रमुख योगेन्द्र खतिवडाले प्रशिक्षण दिएका थिए । यसैगरी अन्डरराइटिङ, पोलिसी सर्भिस सम्बन्धी अन्डरराइटिङ हेड रुजी श्रेष्ठ र पोलिसी सर्भिस विभागका हेमा शाहीले प्रशिक्षण दिएका थिए । 

प्रदेश नम्बर १ को इटहरीमा असोज ७ र ८ गते सम्पन्न कार्यक्रममा प्रदेश नम्बर १ का सम्पूर्ण शाखा प्रमुख तथा मधेश प्रदेशको सप्तरी  र सिरहाका शाखा प्रमुख हरूको सहभागिता रहेको थियो ।