राजबिराज स्थित भलुवाही पुलमा रेलिङ नहुँदा आवतजावत गर्न जोखिम पुर्ण

राजबिराज, ११ मंसिर । राजबिराज-हनुमानगर सडक खण्ड अन्तर्गत राजबिराजको तेतरी गाछी नजिक रहेको भलुवाही पुलमा रेलिंग नहुँदा जोखिम बढेको छ । 

नेपाली सेना ब्यारेक नजिक रहेको उक्त भलुवाही पुलमा बर्षो देखि रेलिंग जिर्ण हुँदा  सर्वसाधारणले ज्यान जोखिम मोलेर आवतजावत गर्न बाध्य छन् । 

पुलको दुबै साईड मा रहेको रेलिंग जीर्ण भएपछि उक्त रेलिंगलाई भत्काएपछि जोखिम बढेर गएको स्थानीय बिजय साहले बताए । 

रेलिंग भत्काएर नयाँ रेलिंग लगाउन भनिएपनि अहिले लगाएको छैन, उनले भने राती हिड्ने सर्वसाधारणको लागि ठुलो घटना हुन सक्ने देखिन्छ । 

यता सम्बन्धित निकायले उक्त भलुवाही पुलमा भत्काएको रेलिंग नबनाएको कारण कुनै बेला पनि दुर्घटना हुन सक्ने स्थानीय भागवत साहले गुनासो गरे ।