एक पक्षले मतगणना र अर्को पक्षले मतदान बदर गर्न अडान राखेपछि वार्ता बिना निष्कर्ष 

राजबिराज । श्री महेन्द्र विन्देश्वरी बहुमुखी (मबिव) क्याम्पस राजबिराजको स्ववियु निर्वाचनको मतगणना गर्न बसेको बैठकले राजनीतिक दलहरूको सर्वदलीय बैठक निष्कर्ष बिहिन बनेको छ । 

मबिव क्याम्पस प्रशासन, निर्वाचन समिति, प्रशासन, सुरक्षा निकाय बिचको सर्वदलीय बैठकमा एक अर्काले अडान राखेपछि बर्ता बिना निष्कर्ष पुगेको हो । 

वार्तामा नेपाली काँग्रेस, नेकपा एमाले, नेकपा समाजवादी र जनमत पार्टीले निर्वाचनमा धाँधली भएको भन्दै पुनः मतदान गर्न अडान लिएको छ । 

यता जसपा र लोसपा र नेकपा माओवादीले निष्पक्ष र शान्तिपूर्ण रूपमा मतदान भएको भन्दै चाडै मतगणना गर्न माँग राखेको छ।